NDS GAME - 動物之森係玩咩架??

動物之森係一個比較休閒既game，入面冇目標，冇爆機條件。

個game類似模擬市民咁，同ｄ村民做朋友，有時間可以釣下魚、挖下化石、種下花花草草咁。夏天有好多昆蟲可以捉。

鍾意設計既．可以自己設計星星、衫既圖案、自己條村既旗。星期六晚可以去博物館地庫聽歌。每個月仲有一兩個活動／比賽同村民一齊參與。

間中會有ｄ特別人物去你條村度，例如每星期都有賣turnip既山豬，賣畫或貴價傢俬，保險經紀。有傢俬買黎佈置屋企。同村民感情好既話，佢地會送佢既相俾你。連線既話，可以玩既野會更多架。

仲有好多，好多野可以玩，不過，如果你係冇乜耐性、唔鍾意一ｄ冇目標既game的話，咁你未必會鍾意玩。因為個game係用real time 黎玩既，所以一開始，好多野都玩唔到住，例如：商店貨品每日更新，ｄ工具（魚竿、泥鏟等等）每日都只有一件，而且一開始冇乜錢，好多野又買唔到。你要每日開機，慢慢買齊所有工具先會感到玩跎個game既樂趣架。希望你都會鍾意玩呢個game啦。

識朋友,釣魚,拾生果等
將拾到的東西買嘢,
好好玩架