我隻狗肺炎﹐點算...

唉~~咁細就患肺炎, 情況確實唔樂觀. 而家你要做的係 : 好好咁照顧佢, 俾多啲鼓勵佢, 話俾佢聽你好錫佢, 叫佢加油, 你會支持佢. 佢其實聽得明你講乜架. 千祈唔好放棄呀! 如果佢sense到你想放棄, 佢都會冇晒鬥志! BB狗的抵抗力弱, 醫生用藥都唔敢太重, 怕佢受唔住. 醫生應該都有同你講, 家吓最緊要係你隻狗的意志力, 而你就係佢意志力的來源, 所以你要堅強啲呀!

冇錯! 如果佢唔肯食嘢, 就冇力同病魔戰鬥, 所以就算佢唔肯食, 你都要氹佢食, 你可以試吓俾佢食啲味道較濃的食物. 只要佢肯食, 叉燒都可以俾佢食, 當然病好之後就要戒啦.

祝你的狗狗早日康復.

一睇就知道發問者買了有問題的狗狗!
無良奸商當道濫用抗生素!
即係話每日一支抗生素可以令佢係舖頭時精精神神,
但係一日唔打既話就即刻謝哂
你可以搜尋一下 [ 騙案實錄-小心旺角寵物店 ] 作關鍵字
就可以知道發生了甚麼事

我狗狗係兩個月番來時患肺炎, 好擔心. 成日都好以有痰清唔到, 晚上咳到瞓唔到. 成兩個月先停咳. 個肺初時變得好差, 要用3至6個月靠佢大d變得強壯 ... 慢慢會康復 (康復期間好活潑, 同一般狗狗冇分別).
注意事項包括 :
1. 保暖. 都要保持宣氣流通.
2. 比佢食野. 當時佢唔食野, 我只好用針筒餵奶米(超市有售,比人既bb食)佢食. 我會比營養膏佢食(法國 .. 好似叫virbea) ... 一般 vet 都有.
3. 多d同佢談話, 等佢知道你愛佢, 佢會努力.
4. 聞氣 ... (須要醫生意見).

希望你狗狗早日康復.

我隻狗以前都試過百日咳同腸病毒, 不過佢唔肯食野就麻煩些, 而醫生都醫唔好佢既百日咳, 我最後都用左非常的手法去醫, 最後都好番左! 如果你真的想知, 就電郵與我聯絡!

睇好醫生,小心照顧牠