D-SLR 是否必須置於防潮箱?

所謂專業業餘, 用既咪又係果部相機?
香港好鬼潮濕, 所以o的機唔做好防潮過多一陣o的鏡頭就會出霉.
雖然唔係一定, 但係如果你係出便惹到o的霉菌,
返去又唔保護一下, 咁到鏡頭發霉就太遲.
因為就算拎去抹, 鏡頭既藥膜會有損傷, 而亦冇法保証之後唔會返發.
其實防潮係比你想像中簡單,
一個防水膠箱 (十蚊店或者實惠有售, 大約一百)
一個玻璃樽 (最緊要個蓋夠大), 上便鑽幾個孔 (或者用布/網包住)
入便買一樽藍色果隻吸濕硅 (有o的攝影器材店都有得賣)
就ok.
呢o的硅吸左水會變紅, 咁用100c既溫度烘佢,
佢就會變方做藍色, 不過小心火太大會燒溶佢.

其實都唔一定係DSLR先要放防潮箱,會發霉的小型相機,相機瀘鏡等都應該放入防潮箱以策安全.係咪專業先做我覺得冇所謂啦,即使好方便既電子防潮箱都只係四五百蚊,當買個保險都好.畢竟器材唔平嘛.
如果你器材好小,可以考慮搵個密實盒,內放一個可插電再烘乾防潮珠的電子再生防潮卡都可,所費只是百一二蚊.