要一ｄ．．．關於傳媒既報導．．．．

蘋果日報
C04 | 娛樂名人
2006-10-08
肥姐遭偷拍群星怒吼 張家輝：手法過份方力申：應懲罰





肥姐沈殿霞早前被《東周刊》副總編輯的印傭潛入深切治療部偷拍，嚇得她要求轉到保安較嚴密的私家病房休養，昨日她繼續留在私家病房休息。對於該周刊副總編輯的印傭潛入病房偷拍事件，一眾藝人都對此行為感到不齒，張家輝直斥手法過份，方力申則謂應予懲罰。採訪：楊潔雯、馬建華、卓美娟張家輝：畀時間立法
張家輝昨日在屯門拍電影時說：「唔好話係印傭，打劫殺人警方一日半日都可以拉到人，何況家係當場捉到，警方點會查唔到真相？係有就有，唔需要太多解釋，冇任何理論可以支持呢做法。今次手法當然過份，唔止對肥姐，我唔係針對《東周刊》，總之就係唔理人死活去做，今次再惹起公憤，我覺得要畀時間政府立法，身為藝人一定支持立法阻止偷拍。」
方力申：教育唔奏效
方力申早前為鍾欣桐（阿嬌）被偷拍事件挺身力斥傳媒歪風，前晚他在沙田運動場出席中秋節活動時說：「唔應做事都做咯，作為藝人咪慶幸冇出到相。肥姐病況係大家都關心，但都唔應該騷擾佢。」之前眾藝人為阿嬌怒斥傳媒，似乎起不到阻嚇作用，小方對此說：「係囉，唔係好奏效，市民大眾都唔知進一步係點，話教育記者唔好影，消費者唔好買，全部都唔得，咁就應該有懲罰，我等緊有呢一日。」
李彩華：覺得好恐怖
李彩華昨日在小西灣出席活動時說：「覺得好恐怖，病已經好辛苦，仲要咁樣俾人騷擾，咁做真係好唔應該，邊個病人想俾人影呀，覺得欣宜都好慘，但係佢都好叻女，見佢每日都用咁多時間去陪媽咪，真係好乖。」
子華采兒：會危及病人
黃子華和應采兒昨日在西九龍中心宣傳電影，子華說：「大家都好關心肥姐病情，呢件事真係好嚴重同好令人反感，仲有ICU其他病人心臟功能未必都如平常人一樣，咁樣俾人嚇一嚇，分分鐘對生命有危險，真係要檢討係咪要立法處理呢種採訪手法。」應采兒則說：「人病都唔畀空間人好好休息，連醫院都要偷拍，去偷拍人結婚都算啦，屋企人有病並唔係喜事！」
陳煒：盼同業有操守
陳煒在屯門拍戲時則說：「捉個女傭，雜誌又冇登到相，可以話死無對證。家做藝人都冇保障，惟有希望同業操守良好，唔好再有咁事情發生。」
周麗淇：有警惕作用
周麗淇前晚在海洋公園出席活動時說：「捉到人咪好囉，最緊要唔好騷擾肥姐，不過唔騷擾都騷擾啦！今次事件有個警惕作用，叫人唔好咁過份。」





文章編號: 200610080060232





成報
A06 | 港聞
2007-01-04








新論壇「十大新聞」銷售稅居首




【記者鄧想報道】新世紀論壇公布2006年香港「十大地區新聞」，結果首三位分別是擱置推介商品及服務稅(銷售稅，GST)、內地孕婦來港產子及周刊偷拍女藝人更衣照，反映中產較關注民生問題。新論壇指出，今年將舉行特首選舉，預料觸發民生問題被「煲大」，成為政客的熱門話題。
惜別天星亦上榜
過去一個月，新論壇收集了500人意見，當中包括新論壇的成員及由地區辦事處向市民發出的問卷，從32條新聞中投選出2006年的香港「十大地區新聞」。
結果顯示，政府擱置商品及服務稅(GST)、內地孕婦來港產子及周刊偷拍藝人鍾欣桐更衣照等新聞，依次居於頭三位，而近期的惜別天星及內地有毒食品接連輸港等事件，亦成功打入十大新聞之列。
新論壇理事陳捷貴表示，新論壇的成員以中產及專業人士居多，擱置推介銷售稅、惜別天星碼頭、推行學券制等新聞中，反映中產較關注民生的問題，相反一些純政治的議題或新聞，則備受中產冷落，因此前政務司司長陳方安生不參選特首，及立法會議員何俊仁遇襲等新聞均跌出十大。由於今年是特首選舉年，他相信惹起關注的民生問題會被「煲大」，成為政客和立法會議員的熱門議題。
出席同一記者會的新論壇成員陳偉強表示，天星事件喚醒市民對文化保育的關注，而藝人鍾欣桐被偷拍事件，則令政府面對平衡保障個人私隱及新聞自由的難題，至於政府推出學券制資助學前教育，令人期望政府以此作為試點，將學券制推展至大學及副學士教育。





文章編號: 200701040290004

2007-05-25 11:51:38 補充：
因字數問題，只可放兩篇。但其實仲有好多好新聞。