魚缸水藻問題

呢ｄ叫黑毛藻。
黑毛係養水草者o既惡夢，因為樣衰之餘好清除。市面上o既藥效果我自己用過覺得一般。個人經驗：
１．減糧
有藻不外乎係水裏面有太多肥，草用哂到就有藻類，而最大肥料來源就係糧，剩糧會腐爛變肥，魚食得多一樣造肥
２．勤換水
有肥o係水中好正常，但有肥積聚就唔正常，所以有藻就必須勤力換水，一來清走水中肥，二來減少水中藻類包子，控制繁殖
３．剪草
唔可以手軟，多黑毛o既葉就剪左佢啦，橫掂再生返重靚
４．Seachem Flourish Excel
其實呢支唔係藥，係一種水草o既碳肥，但係被發現對黑毛有撲殺效果。有人用雙倍份量 Seachem Flourish Excel + 雙倍份量光合成細菌，呢個係全缸撲殺；我就選擇買個針筒，除左支針，吸入 Seachem 再重點噴落大舊o既黑毛（水中噴即可），第二日舊黑毛會變紅，然後變白，最後溶掉，好有效。
唔建議以下做法：
１．封缸
有人話可以用紙包住個缸唔開燈幾日有用。但水草都要光合作用架喎，而且藻類係低等生物，有ｄｄ光都唔會死（莫絲／苔蘚都係低等，所以係陰草），咁做你話草定藻死先？
２．藥
唔排除有ｄ藥好掂，但係藥物點都會對缸內細菌群落有壞影響，而且我亦唔贊成用化學藥品。

我個魚缸都有小小,次次洗魚缸個時都特凸正走哂,但係一日之後就會愈黎愈多 =.=""
我問過人,佢地話個d係冇問題,只會令到個魚缸唔靚同埋個d野好似可以比d魚食下...@@