點先可以令老公比家用我~??20

其實你有無同佢討論過男人+老公既責任係唔係淨係養阿爸阿媽,
孝順係一件好事,但都唔可以唔顧自己屋企,如果有可能叫佢轉工搵多d錢,當然好,
但要事先大家(歉)意好,比幾多奶奶,幾多比自己屋企,如果佢搵一萬咪比到兩千你,
五千奶奶,因為剛開始要家用千其唔好比佢覺得你貧心同亂冼錢,如果唔得就要傾下可否比小一兩千佢阿媽,有時佢有d日常用品用完唔好幫佢買,叫or等佢自己買,等佢食米要知價,
亦要佢知道一個家開支有多大,如果你淨係開口問佢要佢一定唔會比你,佢只會以為你大冼唔夠用,好少男人會明白家中什麼都要用錢買,所有用品加起來要多少錢,幾多日要去一次入貨,佢地只會以為好平好少錢,你比都無所謂啦!!我要負責其他大事!!所以得閒就要比佢地知道而家d物件價有幾高,等佢知道得你一個真的養不起一頭家,徐非你收入比他多很多
如果唔係我想佢會明白當中道理而作出好的反應,
其實兩個人一齊生活一定要多d互相溝通,多d講出心底話,相處唔會係一件難事,
試下比d機會佢去了解你既想法,同時你又去了解佢既想法問題就會好容易解決,
但要記緊千其唔好強迫佢要同你思想一致,你這樣做只會有反效果!!
相處係一門學問,亦無特定方法,所以我希望以上的話能幫到你,亦在此祝你生活愉快!!

女人要靠自己 , 你人工仲高過你公老 , 好難叫佢比返轉頭 , 不如你每個月先留起你要用的同比你阿媽的 , 其餘d先比佢去安排 , 總知要比佢知道你身上係無錢的 , 佢有幾多就由佢去分配各項使費 , 拉上補下 , 慢慢佢就會知道邊d要用邊要可以用少d ,
以前我公老都好大使的 , 因為佢知道就算佢用晒自已d錢 , 仲有我d錢可以用 , 當時經常都會因為錢銀而嘈交 , 後來我選擇將我的錢比晒佢, 當然留反少少比自已 , 由佢去安排家裡的一切費用, 我要買野就叫佢囉 , 後來倒輪佢覺得我大使 , 於是各樣都開始慳 ,現在我公老唔會大使了 , 開始識得理財了,又唔會因為錢銀而嘈交 , 而且佢覺得我係一個好老婆 , 因為好少女人會將自已的錢比晒公老的 ,咁都要睇下你做唔做得到了

要儲錢識得理財好緊要 ,
又要睇下你努唔努力做工賺錢 , 如果你為自己定下目標是好事 , 因為有目標才有動力 , 如果你想找兼職 , 我有好介紹 , 絶對唔會要你投資好多 , 但亦都唔係可以搵快錢果隻 , 不過一定係可以有持續的收入 ,時間愈長久收入會愈多 , 可做一生一世更可傳給下一代 , 不會白費你的成就 . 以我所知能夠堅持這個事業有一年以上及真正有付出努力的人 , 每月有hk$5千至7萬元 ,

有興趣可email我交換心得 [email protected]

其實講錢一定會傷感情,2個人一起好多嘢都無得去計,所有事情都應該大家去面對,解決.
朋友你家庭背景我唔太清楚,所以有好多嘢或者我都唔太了解,以下只係我個人一點意見.
每個人都有自己應該要付的責任,係呢方面你已經做足(做人老婆),但係你老公就無對你付出過任何責任.佢太自私無理過你感受,佢覺得你咁做係應該0既,大家已經結婚嘛,老婆你咁做都好應該呀,你唔係呢0的小數目都要同我計夏嘛?個家大家都有份嫁!而佢自己就覺得我比錢屋企有咩問題呀?都一定要比,比完又無錢,妳有就更係妳出嫁啦!你老公已經忘記0左你都有自己0既屋企,自己0既生活,佢有幾愛你我唔知,但佢一定無尊重過你,理你感受,你一定要認真同佢傾下,試下可唔可以解決.二個人一起要忍嚟忍去真係無咩意思,仲會好唔開心,有條刺.我媽咪成日同我講,搵個老公一定要掙自己(當然都要孝順),如果唔係第時有咩事,自己老公都唔理你,你仲想邊個會理你?你已經嫁0左出去,有0的嘢自己父母都理唔到咁多,亦無辦法去理.如果唔係實比人恰死!我自己都見過人辨.

你要佢比錢你 我就覺得冇可能 你只有幾條路行：

1) 一係搬返去同奶奶住,咁樣你就冇咁大開支,佢地要乜什費你都唔好比
我就覺得你比$1000-$1500你父母好正常呀(老公都咁鬼樣) 奶奶果邊就唔好比la(好有錢咩而家) 因為d錢係你 (佢D父母j都要你養都有 叫佢自己想下)
另只加$700now
(因為係你個名而自動轉脹,)
你份人工係你,而你唔可以運用 ,你咁都甘心比咁多錢佢,而得到的是咁唔開心
你結婚來做乜丫,都唔開心 問下你自己先?

2) 要你老公唔好再睇now 如果你比開$700(電話、上網、連電視32吋和now看波) ,因我現在申請都不用咁多錢 百幾不用$200 , cut左佢啦 不過你應該合約未到期 ,如你搬遷記得看下合約完未!!


3)你問你自己有幾愛你老公同佢仲 值唔值得愛 ,而你有佢同冇佢 有乜分別先 我係你就會離婚 因為你已睇唔到將來有咩改變~真係好辛苦 而你仲維持左成年 咁鬼耐(你已好叻,作出努力) ,我怕你一係就肥屎 ,一係就不似人形, 係朋友見到你都唔認得 , 冇胃為左這個男人(難忍),這樣下去, 你已開始忍冇可忍 ,

其實我都係過來人 開心見誠同佢講 1) 搬回去同你奶奶住 睇你都唔得 2) 不如離婚 番父母度住(因為你都好辛苦)

因為婚姻係要雙方面 、 努力、 包容、接受、面對、坦承、忍讓、分擔等
咁你覺得佢有做過乜(他的想法有問題,應很難改變), 而你可以再接受嗎?

2007-05-30 10:40:51 補充：
1) 首先張個雪櫃搬返入屋,因為放係戶外~日日溶雪/. 雪櫃唔凍、易壞、又唔(摼電), 2) 咁你還有冇欠card數丫 ? 有就同佢講: [我要還card數冇錢比你丫媽,因為成屋數都係我比]3) 同佢講公司減你人工$500- $1000 (如果佢知人工就同佢講)話比佢知你都無錢 (咁就當佢比家用你啦,咁你個心就會好過d) 因為你睇到佢每月開支,佢比媽錢好可能係佢之前欠下,而現在還錢當比家用,好多男人都係咁4) 你千其唔好幫佢還輸波錢, 你要記住你無錢 同每月開支 因為佢可以輸咁鬼多錢 ,一定會再有下次

2007-05-30 10:45:17 補充：
5) 你咁鬼愛佢,你就一定要忍, 你奶奶煮餸,(十幾個人食飯,起碼都有10餸,而你一樣都唔食只吃白飯) ,而你唔食係你不敬, 但如果係我, 我就只食我想食菜,或買($10-20)叉燒等一起吃,或唔返去吃,買飯盒返屋企食,而佢地食飯,就走去沖涼, 氣屎佢地 ,(我想其他女人也曾經係咁先可以取回想要地位)因為你太好啦,你做了乜都得女仕, 你要比佢知到你頂唔順,如果佢都愛你就會同佢亞媽講,煮D你會食東西.記住要有 自己 底線 唔可以再係咁 , (正如你所想要有自己錢)另沖涼、洗衣服就要忍 (千其唔好買多架洗衣機,要自己比錢就唔好啦,人地比就唔同,但要放回之前放雪櫃個位,

咁睇來你老公的確只係將來當做搖錢樹咁喎....
如果你唔企硬, 要佢都為你地頭家付出多o的, 咁都無咩幫到你....
咁佢要養佢父母, 你都要o者....
佢睇 now 就可以用成 700蚊, 咁咪 cut 鬼o左佢囉....
你話, 佢自己娛樂費用, 應該要自己俾, 仲有傢俬錢, 你都好應該要同佢計數....

我覺得, 你老公有o的似食拖鞋飯....
咁o既人, 真係唔要得....

一定係你搵到錢, 你老公咪唔使俾你, 俾晒自己老母, 人係自私, 個個
都係顧自己果邊, 你係唔係一開始就整慣咗! 即係佢唔俾你, 你都唔出
聲問佢? 其實最唔公平既做法, 自己有頭家要養, 都仲要養埋老豆老母,
若然有阿婆阿嫲或曾祖父母, 甚至四代同堂, 咁你老公做鴨都唔掂啦!
父母年老無能力工作, 有政府養, 叫佢地申請綜緩及老人金, 唔係立稅
人交稅嚟做乜? 甚麼養父母是天公地道, 間直放屁, 你有無見外國人會
有呢種習慣, 外國人唔養老豆老母, 因為外國的父母明白, 子女長大, 有
自己個家, 唔會做子女的負擔及包伏, 中國人的傳統舊思想唔要得, 況且
孝唔孝順父母, 唔係睇個 ~ 錢 ~ 字, 係睇子女有無真正去關心, 真正重
視父母, 果d自己唔食, 都要俾埋d錢父母既, 未必係真正的孝順仔女.

2007-05-25 06:21:08 補充：
有些人, 只會長篇大論, 盲目的偏幫養父母是應該, 我是支持外國人的思想,因為中國人太著重金錢, 甚麼 ~ 難道俾得錢多便是孝順, 間直荒謬! 說甚麼養父母是做仔女的事, 間直癈話, 若然某些人大把錢, 每月俾十萬八萬父母, 但十年都不見父母一面, 父母有病也不理, 只是用錢去養, 完全無理過父母, 甚至見到面都喝罵父母的人, 那些人也是孝順仔女嗎? 可能對某些貪錢的父母來講是孝順未定!

點解一定要咁執著老公俾唔俾家用你呢?
以他現在的情況，不是因為做了對唔住你ge事而唔俾家用你。
佢咁樣得番$2000，你仲想佢俾你?佢自己都不夠用吧..
你捨得你老公俾家用你..而日日捱餓ma?

一頭家..2公婆一齊付出..有何不妥呢?
除非你真係冇能力再負責家中的開支。
可以同老公商量一下。
一個成年人，一個月基本洗費可能都要2000蚊。
一對父母，最少都要4000吧。所以5000都算合理。

當然，若果給了5000..真的不夠自己用，家中的財政真的出了問題。
再跟老公考慮減一減父母的家用也是方法。

你話你相信搵得多都要拎得多返去比佢阿媽。
只係你ge想法jei。2公婆冇咩o野唔傾得。
可以坦坦白白咁同佢講你面對緊ge問題，一齊解決都係好事。
好過你一個人唔開心咁諗埋一邊丫ma。

假若你有番工，其實都會夠用，仲可能夠你每個月儲到一點錢。

老公搵唔到多錢..你都要體諒一下啊，因為番工冇話唔辛苦。
當然自己的感受也不要忽略..
anyway遇到問題就一起傾傾吧。
只要你們對談時，不存任何令他覺得你在怪他或不滿的意思，是關心的說話，
一定可以慢慢傾。
加油:)希望你地ge問題可以解決到。

2007-05-24 04:07:10 補充：
如果你拎到家用,但失去了２公婆的關係和以往較好的相處方法。一點也不值。錢，肯搵就有。但一段感情，用錢係買唔到。不過我對你們的家庭背景不了解，只能提供這一點意見而矣。希望幫到你。

2007-05-24 17:34:30 補充：
e 咁睇，其他答問者所提出ge都可以幫到你。沒錯，自己的感受是不可忽略。百x , 惠x 成日加價但又話全城最平。你幫埋老爺佢地格價買埋日常用品可能真係會辛苦d，但係keep落ge單據可以證明到格一格價，一日可以慳唔少。如果佢對d價錢冇咩反應，可以扮下唔記得買..叫佢自己幫手買下。等佢明白一下幾錢。同埋可以將長期累積d錢計俾佢睇。例如..廁紙一日用幾多卷就幾多錢，一個月就用到幾多，一年又要用幾多。食飯煮o野，又用幾多咁。我自己都會有本數簿每個月計住計住。

2007-05-24 17:36:35 補充：
其實睇now，唔駛一個月700咁貴gwa。你可以試下打去問幾時到期轉plan，我諗你老公都係睇幾個台唔駛700一個月咁貴..咁到時可以at least平番500。照現在情況看來，拎家用已經冇咩機會。但你可以同老公傾傾老爺家同外父家的家用分配問題。如果講唔掂．．你睇下奶奶可唔可以幫到你．．唔駛你俾家用佢。當然最好唔駛去到呢個step，唔駛麻煩到奶奶。我相信你坦坦白白同奶奶講你面對緊ge問題，佢都會體諒得到。

2007-05-24 17:45:06 補充：
因為補充有上限..我再打多少少。同埋你己經盡晒力去留住d錢俾自己家庭開支，仲有自己外家家用。老公孝順雖然唔係壞事，但你同樣都係孝順雙方父母，都有自己難處。傾問題時候，盡量令老公明白，又令佢知你知佢番工辛苦。但希望佢都唔好忽略仲有外父家要考慮。傾之前確保自己冷靜，心平氣和都好重要。我知你會係賢妻，試試睇下咁樣有冇幫助，你唔得再打補充丫。