Banner 上的孔(雞眼) 是如何釘的?

樓上popwah2000都講得差唔多, 清楚點係: 打三分孔就要買三分雞眼鑿, 配三分雞眼圈及公鑿母座(用手鎚)一整套先成事. 要打四分孔一樣咁配不可互用. 但現在多數用手提啤機及公母座(手提啤機專用), 公鑿母座(用手鎚)你要問下仲有無得買. 公母座都要成百元一套, 三分雞眼鑿, 五金鋪買十元支, 雞眼圈連介子一包一百個, 幾十元度, 唔知有無散買. 若淨係打幾個孔, 倒不如拎去做廣告橫額的鋪頭, 比錢叫佢幫你整仲化算.

點樣釘, 買配件工具時問埋佢, 你睇到實物你就會知點釘.
(有時雞眼圈會同公母座大少差小少, 最好配岩先好買, 因為間間出品呎吋可能有出入)

可以自己釘,三分孔工具加廿粒雞眼唔駛一百元(四五年前),去深水埗賣手袋五金配件的鋪頭成套有得買,睇下你要什麼的SIZE,配一支撞針,一個底座,首先在要打雞眼的位置用撞針打孔,然後就可穿上雞眼釘及介子再用撞針及底座用錘仔打,或者去五金鋪書局問下有無得賣,係好似釘書機的用手握的..