怎樣可以徹底把魚缸內的菌消滅

首先，一個魚缸係冇可能冇菌o既，呢個唔係隔壁病房，冇咁o既過濾設施。白點病成因剩係呢度都有好多人長篇大論貼過好多次，簡單來說，白點病病原係一ｄ小蟲，附著o係魚身後就會侵入皮膚同繁殖，形成一個白點，都白點成熟後就爆開，無數小蟲就會進入水中同缸底，等候機會再附著新宿主。魚死哂後你有冇點樣做過功夫？定係換下水就再入新魚？當然新魚都可能有病帶入缸，但要注意，溫度驟升驟降係發病主因。
治療方面好多人會用藥，唔用的話只要o係缸中落粗鹽，濃度不超過0.05％（我個三十寸缸，150L水只加三湯匙鹽），再用暖管提高水溫至約29C。高溫會令白點加速成熟，小蟲進入水後，會因為水有鹽份，將體內水份抽出而被殺死。其間隔日換水，主力吸缸底以將缸底o既小蟲吸走，然後適量加鹽以維持濃度，一個星期見效，唔見效再做一星期。
呢個方法一來成本極底，二來唔需要用化學藥品。我極力推薦。
圖片參考：http://hk.yimg.com/i/icon/16/4.gif


2007-05-23 20:06:26 補充：
白點病發現時，其實缸中已有小蟲，所以唔駛撈出病魚隔離，最好全缸治理。

無菌= =
係無可能
就算真係得
魚缸都要靠硝化菌運作

起白點係因為 溫度問題, 你個魚缸有冇暖管呀??

我初初因為冇暖管, 晚上又開冷氣, d 魚既有白點(即係 早上30度, 晚上2x度,)

1.買暖管, 細細魚缸 25w就ok, 50~60蚊左右,
2.買個溫度計, 細細個, 10蚊就有
3.如果你放魚缸既位被太陽晒既, 買個魚缸用既風扇 (個樣係電腦風扇咁)

首先, 如果只係魚仔, 去買支 " 魚救" , 魚用藍藥水, 10~12蚊
睇你個魚缸幾大就落幾多~~ 我個13吋, 第一次 8"敵" , 2天後 1~3敵 (先到你d水變藍色)

最緊要係溫度, 如果唔係落幾多藥都冇用
如果只係細魚, 唔好買果d 咩 MI (萬能藥), 因為我試過, 死左半缸.
冇以上既工具 (123) 你洗幾多次,買幾多都冇用~~同埋你洗完唔好咁快落魚
因為我地既 "水喉水" 有氯, 氯就"啦"傷魚身, 會死架!!

試下落粗黃鹽加食用粗鹽隔過夜，之後再洗。