抽股票既方法

第一次買股票都會一定抽得中?
無科學根據。冇人知你是否第一次抽。Beginner's luck 係好虛無飄渺。

其實抽股票係以咩基準來抽架?
主承銷定下配發基準後，就用電腦進行抽籤。基準是以公平合理為原則，比如30倍超額認購，最公平的方法莫過於每申請的中籤率是30分之1。

申請幾十手先可以抽中1手?
好簡單，由於唔會派碎股，假如唔係每人最少一手，則每個申請一手嘅申請人一係配發一手股票，一係冇，假設30倍超額認購，基準是中籤率是30分之1，咁每30份申請一手嘅就抽一份作成功申請。但如果申請30手，由於中籤率同樣是30分之1，咁就可以穩奪一手。
但要注意實際配發基準可能會偏向多配發股票予小額申請者，這會令穩奪一手的最少申請股數增加。

補充：

雖然會令散戶多些機會抽中，但同樣地會讓超大額的孖展客抽得少一些，可以低至0.x %，即幾百手至有一手。若反應熱烈，通常都會是幾十手確保有一手，金額由十多萬到七八十萬不等。就以百麗為例子，雖然超額幾百倍，但穩獲一手的資金只需要20手，而不是幾百手。