铜鑼灣Mr. Steak buffet......

上星期六同家人去 Mr. Steak 食 buffet。一個字，正！

其實在網上巳看到很多關於此店的食評，趁家人生日，就提議去試試。

去到後，第一樣想食的就是生蠔，因為是即開的，好吸引。入口感覺好新鮮，ok！
之後就試了長腳蟹，翡翠螺和蝦。長腳蟹幾甜幾多肉，翡翠螺和蝦很爽口。
仲有凍蟹和青口都唔錯。魚生有三文魚，鯛魚，帶子，甜蝦 ～不過不失啦！

食完壽司，沙律及煙三文魚，就去試下主打菜---牛。
當晚有極和牛，頂級安格斯肉眼，西冷和牛肋排肉，本身不是太喜歡牛，感覺普普通通。
跟着見到有鵝肝，梗係試一試啦！鵝肝煎過後放於多士上，淋上士多啤梨汁，入口即溶的感覺，嘩！好食到唔停得口呀！

此時我的肚子巳很飽，雖然還有熱盤---蝦，蟹，小籠包，海南雞飯，羊扒，車仔麵，中西熱湯等等，我巳全部跳過轉攻甜品。
甜品有橙酒班戟，啫喱糖，蘋果酥餅，芒果慕絲，芒果布甸，迷你什果撻，藍莓芝士餅，tiramisu，法式燉蛋，楊枝金露，
朱古力噴泉，生果及雪糕等等。甜品各具水準，每樣吃了小小，巳飽得動彈不了。

這餐真是吃得很開心，唯價錢不算便宜，等多幾個月再去吧！

我剛在母親節去吃過,講真,d牛我就覺得真係麻麻,但反而其他食物就好正,^^

請睇此網，有成50個對此餐廳的食評，包你清楚。
http://www.openrice.com/big5/sr2.htm?shopid=15591