女朋友既朋友問題

我覺得你應該尊重你女朋友囉, 如果佢係厭左你, 你再做埋d佢唔鍾意既野, 佢更加厭得快.
如果只係佢想要d同朋友一齊既空間, 咁你米由佢囉, 唔係個個人性格都一樣, 你女朋友可能係比較鍾意同朋友玩呢.

唔想你跟埋去, 你知啦, 你始終係男朋友, 有好多野唔想比你睇倒, 怕影響形象嘛, 佢同d朋友一齊玩時可能好放呢.

建議你如果好緊張你女友, 想保持依段關係的話:

1. 如果佢想同朋友自己去玩, 你笑住口同佢講話好丫, 玩得開心d之餘, 有咩野就打比我啦
2. 佢同朋友玩時你都會出席的話, 要表現得對佢細心d, cool得唻又要表現得其實一直都好留意住佢一舉一動, 等佢係d朋友前可以威下之餘, 佢d朋友都羨慕佢有咁好既男友.
3. 唔好成追問佢去左邊, 今日玩過d咩呀, 點點點.....如果佢自己開口講既就聽佢講
4. 你自己亦都放鬆d, 識多d朋友.

要保持一段良好關係鞋然好難, 相方都要努力遷就.
正如你覺得佢仲愛你的話, 我諗佢都會feel倒你既配合而感動.
所以唔需要擔心.

當然啦, touch-wood你女友只係口講話鍾意你, 其實用依個藉口而疏遠你的話, 你做咩佢都會討厭, 再對佢好都冇用啦.

最緊要你問心無愧, 冇對佢唔住, 對佢好, 又關心佢, 滿足到佢需要, 但佢唔接受既, 問題唔出於你.

希望可以解決倒你既煩惱啦.

其實唔怪得你女朋友變咗.
因為最初是你先對你女朋友唔好,你女朋友唔開心,就自己會找一些朋友來訴苦,
人往往同其他朋友訴苦時,會將感情昇華,由普通的朋友昇華至知心朋友,
人人都要有自己的朋友,她可能怕你會再次對佢冷淡,而她又會感到生活乏味,這個時候,人就最需要朋友去支持自己.
另,一大班女仔外出,你都不要跟她們出去,因為女仔都想有自己的私人空間.若她有節目,你就找自己的朋友,但你地雙方最好有一個協議,就是外出前必告清給對方知道各自與何人外出.
若你愛你的女朋友,必定要尊重及呵護佢.

跟住佢d朋友一齊去玩

佢的朋友多數是男定女...

要變心好快的
口講愛你...可能只是想拖住你的方法之一

佢覺得你煩好可能已經厭倦左同你一起

就好像我女友..就算同fd出去佢都想我一起去的(我地拍左年半拖)
不過我多數拒絕...(私人空間好重要的)

不會有一個不想男朋友陪的女朋友吧...
你要小心一點...

我就覺得每個人都需要個人空間.....雖然lee句說話好老土 , 之但係 lee 個係事實....如果佢係要變心你24小時o係佢身邊佢亦會變...2個人一齊耐左可能冇左新鮮感......話題少左.....但係你都識講你女朋友仲係愛你架嘛..所以我覺得你唔洗擔心太多....
你可以考慮下花少少心思, 哄下佢開心...得閒送1.2樣有心思o既小禮物, 有時小小o既驚喜會帶黎意想不到o既收穫^^.
祝你同你女朋友恩恩愛愛啦^^~