HIFI 問題

一般來講，喇叭要用擴音機來推，並唔可以直接駁例如CD player或電腦等 source。訊號要經過兩次放大(前級同後級)才可傳送予喇叭發聲。你部舊Hi-Fi裏面其實是有擴音部份的，所有訊源都會經擴音電路放大才傳送予喇叭。
喇叭冇壞可以繼續用，但一定要有擴音機 (amp)。套裝Hi-Fi的喇叭一般以紅黑雞線接駁，你可到鸭記花數百元買大陸做的合併擴音機，將CD player 的紅白線駁合併擴音機的輸入，然後用紅黑線駁喇叭就可用番對舊喇叭。電腦麻煩啲，視乎你現在電腦的I/O設置，可能仲要加張 sound card。
喇叭後面寫住阻抗6安培？一般喇叭抗阻4至8ohm (Ω)，ohm 係歐姆。一般擴音機都能適應4至8ohm抗阻的喇叭。喇叭嘅抗阻係講佢嘅efficiency，即大唔大食。與你所提的問題關係不大。反而喇叭承載功率才重要。你找來一部大功率擴音機來推承載功率小的喇叭，真的會燒喇叭 (不是粗口)。

這要視乎你Hi Fi喇叭的設計.如果喇叭線同喇叭係分體的.咁可以就咁拆走個喇叭,另外買過單體擴音機,喇叭線同埋碟機接上便可.否則就要剪斷接近Hi Fi一端的喇叭線,將來用翻呢條線.
喇叭的抗阻應該唔係6安培,係6 ohm(歐姆).買單體擴音機時最好係支援6 ohm或以下的,如果高過6 ohm的機在大音量時會有跳線危險.
不過買單體機由於價錢一般會比套裝機貴,通常會配啲比較好一點的喇叭.配套裝機喇叭有小小浪費.可惜市面好似冇套裝機係冇喇叭的.