剝完牙要幾耐先止到血????

應該係醫生咁講.

留意如下:
1 唔好"郎"口, 因為已經有血塊保護, 唔好攪佢
2 唔好飲熱水, 熱水溶化血塊, 加速留血
3 唔好食嘢住, 驚整到個傷口

你可以做以下:
1 用冰敷外面 (唔係口腔入面)
2 用棉花繼續壓住傷口

希望你今晚止到血, 如繼續大量流血, 今晚要入急症 (不過通常冇咁大鑊).
如果今晚收咗血, 明日仍然有血絲; 咁就要再搵牙醫睇睇有冇發炎, 發咗炎就收唔到口, 會繼續有血絲, 自已冇得攪.

我以前剝過智慧齒, 好不幸發炎, 第日星期日冇醫生睇, 入急症, 急症醫生話我未死得, 叫我星期一搵牙醫攪番惦佢, 又流血流多日, 星期一見牙醫, 佢話發咗炎, 要清潔死牙肉, 要打針跟住又要食抗生素.

2007-05-23 02:53:00 補充：
放棉花入口時要保持隻手清潔, 手有菌可導致發炎

正常半個鐘內已經可以止血，除非你吃了熱的食物或者攪個傷口啦！就另說。可用冷敷法，即是可以食冰凍的雪糕或者用凍水來瀨口，這樣可以減少流血和消腫的方法。
如果，你現在還流很多血，你就要快去看醫生，驚會流血不止，如果沒有家人在家，真係暈左都無人知，就麻煩。

每個人都唔一樣,如果唔係流好多血嘅,唔緊要架
你可以試下食啲凍嘢,例如雪糕