✔ 最佳答案
咩叫"咀"住玻璃? 你意思係咪話開水潑時條膠係咁同塊玻璃磨擦, 移動得唔順又刮水刮得唔夠清潔呢? 如果係嘅話極大可能係水潑條膠污糟咗, 藏埋好多類似煤屎咁嘅嘢喺條邊度. 你可以揾塊濕濕地嘅布(最好有毛嗰D), 升起支水潑之後順住條軟膠邊抹到乾淨為止.
又可能塊玻璃唔乾淨. 可以用玻璃水, 或者白醋加水, 用布(最好用bb嘅尿布, 因為唔會甩毛)抹走上面嘅污漬, 再用舊報紙去擦乾淨玻璃上嘅油膜.
都係唔得嘅話, 就即係水潑軟膠邊老化要換喇. 剩係換軟膠得喇, 十零廿蚊有交易, 唔駛成支水潑(wiper arm, 即係金屬部份)換.
2007-05-23 01:00:29 補充:
哈, 你係咪想講"啜"呢 :)