佢都唔珍惜我....到底為左咩.....

難聽一點, 你當人係寶, 人地當你係草。你要犯賤俾佢恰你都冇計, 冇人逼你咁做。
明知人地有女友仲鍾個頭埋去, 你搏咩呢?
講真, 我唔可憐你, 你自己攞來, 男人又唔係得番佢一個, 對你好都仲話死心塌地啫, 下下發你脾氣, 吖!你又忍啊! 唔搵你出氣仲可以搵邊個? 你咁順攤, 肯忍佢。
辛苦咩? 辛苦咪唔好痴埋佢到囉! 依種男人好極有限啦,你估佢真係鍾意你咩,佢多個人比佢駛, 你又咁戇居, 送上門俾佢出氣, 咁蠢既女仔好難搵啦! 唔俾D甜言蜜語你聽, 你點會咁聽話。

恕我直言, 你自己攞唻煩姐, 勁無聊囉.

好話唔好聽, 你做緊人第3者, 如果真係口講話唔要咩野回報呀, 果d癈話,
講真, 你憑咩要佢珍惜你唧.

你自己一廂情願, 中個頭埋去, 我係男人都唔珍惜你啦.

我都想知你為左d咩?
個男人又唔係你既, 又發你脾氣, 你又係佢身上得唔倒d咩.

犯賤米就係依d囉.
你諗下, 你鍾意果個人比唔倒d咩野你時又唔當你係咩,
成日諗住佢同女朋友卿卿我我, 大大聲聲可以認係佢女友, 但你乜都冇只係一個出氣袋既時候. 你既價值係咩?

做女仔, 係唔係需要去到依個地步?!
你係時候醒下啦,
搵過第2個, 離開佢既生活圈子.

再係咁落去唔見得有好結果.
同自己講, 唔要咁賤, 唔要咁cheap, 又唔係冇人要,
點解要受你氣呀?!!
依個男人真係唔要得!

你就會識得抽身, 心腸都硬d!

自強呀! 唔好被男人擺佈!

撫心自問,你鐘意佢嗎?
你係咪鐘意左一個有女朋友既男人? 值得嗎?
如果你同佢既女朋友同一時間發生意外, 佢會打電話俾佢先定係你先?
有無覺得每做一樣野都係遷就緊佢?
你想請假果日撞正佢要返工,然後特登換假期點知道佢放假果日要陪病緊既女朋友,然後就好頹廢咁收埋自己響屋企?咁樣開心嗎?你覺得第3者呢個身份羞恥嗎?

如果我問你以上問題, 你內心不其然地幫自己/佢辯駁, 不如順其自然. 好多野逼唔黎架,有d野你越逼自己,自己就越難硬心腸.難道鐘意一個人有罪?鐘意一個唔應該鐘意既人真係罪大惡極? 或者有d人睇左我呢個答案一定會好肯定我2架一定係人地既第3者.

我認啊,我覺得我無錯.我只不過係鐘意左一個人,我做咁多野都係想對佢好,我忍耐佢對我既不受承諾,或者咁講,我地之間其實根本無須對對方負咩責任.呢d野係自願架,無人逼我咁做,但係如果要自己停止做呢d傻野,其實好容易.呢個人令你徹底失望,徹底心淡,到有一日你唔為呢個男人著想,唔遷就呢個男人,恭喜你,你自由啦. 但係一定要俾自己一個交待,讓自己無悔...

[其實第3者無錯,與其話第3者破壞別人既關係,倒不如俾個男仔多一個機會選擇,好既感情係經得起考驗,無論你有幾正,你都勉強唔到一個唔愛你既人愛你.] 曾經響某一期既cosmo girl睇過,好深刻.

你都知道佢有女朋友,
何必踩落去?
我相信冇人想做第三者,
即使你有男朋友也不想有第三者介入你地,
而且一個男人有女朋友都仲要同你攪曖昧,
想一腳踏2船既,
唔需要留戀,
只要你想得通lee點,
你就會做到決絕!

下..呢個男仔我覺得正完宗衰人泥嫁喎

不過我諗你真係好鐘意佢,佢咁對你你都仲忍佢

我係你的話我會走去同佢女友講~睇下佢點,
我諗佢到時一定會發你爛渣
如果你咁做雖然會傷佢女友,不過起碼可以早d比佢知道果個男仔唔係好人

你就要死心啦

我唔可以話你咁樣去愛佢係錯,不過我覺得唔值得囉
佢唔係一個好人,佢唔似對你係認真
我個人認為拍拖雖然會有甘有苦,不過只係點綴,而唔係去苦戀囉
應該要享受戀愛(唔係話要4圍攪3攪4果d,而係要學識去愛與被愛的正確態度。)

你地既關係就好似知己咁...
呢個係好聽同好關係既講法，
唔好聽...你只係一個可有可無既人...
一個後備既人。
雖然你明明知道呢個事實，
但係又唔俾自己諗起，又點可以心腸硬呢@.@??
每當你想心腸硬既時候，
你就諗下...你對佢黎講只不過係可有可無之麻!!

我當然唔係叫你放棄啦~~
即使要放棄，都要俾一個答案自己先好放手。
你諗到點解佢要可有可無@.@??
點樣先可以令佢重視你@.@!!??

每個女仔都有一個萬分容忍既男人既，
我都有~~一直都有!!
只係我做到你做唔到既野@.@??
之前佢一個人返黎...佢女友係外國，
我同佢講，我地一齊一個時間啦~~
完左個期限再算啦!!~~
雖然佢最後...都係要自己女友，
但係至少我得到答案@.@??
本來佢答都鐘意我...
但係我係一個霸道既人，
位置我可以唔在乎，但係個心唔得!!~~
最後...係點@.@??你sent mail黎問我啦~~哈哈!!

幾個月無搵佢啦~~
我硬起你所無既心腸...
唔打俾佢，唔理佢~~
雖然萬分容忍既男人永遠忘記唔到，
但係你至少要俾自己放低!!ok??

問世間情為何物?
我勸你找另一個la
再唔係找人電話
一係找我la