養魚前 想養草

第一，如果你想要養(種)水草的話，最好一定要用泥。雖然沙都可以種植倒水草(不是全部)，但你可能需要用多些液肥(你所講的"唔知咩水")去維持水草的生命。例如用泥的話，你可能只須要3-5日滴幾滴液肥便可(因為泥裏已有養份)。如用沙的話，可能須要2-3日便要滴幾滴液肥(因為沙裏是沒有什麽養份供給水草的)。

第二，如果你想玩陽性草的話，量一量你的魚缸大少(最好高度)。因為陽性草需要較強的燈光才可生長得較美麗。如果你的魚缸高度不多於40-50cm的話，這個距離用4支光管都可以。如果魚缸高過50cm，可能需要用鹵素燈才可令到水草生長得美麗。至於陰性草，不需要強的燈光都可以生長。還有大部份陰性草都會生長在沈木表面，所以用沙的魚缸多數會放陰性草的。

第三，你不用擔心買了沒有根的水草，因為水草會自己生長番D根的。大部份植物(包括陸上植物)的生命力是很強的，例如我記得在小學看過的教育電視，有人將一支樹支剪下然後割去低部一部份的樹皮走，再用泥包實割走樹皮的部份。過了一段時間，樹支就自然地生出了無數的根。所以是不用擔心的，因為我自己也常常剪下魚缸裏水草過高的部份，然後再插番入泥倒種。

第四，種水草都要睇水溫。一般種植水草最好不要在夏天種，因為水溫太高會影響水草的生長，嚴重的話可能生長不起。水溫最好維持在24-28度之間就最好，這樣還可以減少有害的細菌。對魚仔和缸裏的水都好D。

第五，你需要想一想養什麽魚，因為有些魚不能活在酸性的水質。例如孔雀魚，你會見倒養孔雀魚的魚缸多數放石仔，沙或什麽都不放。泥是酸性的，所以你種水草前的其中一個考慮點。

第六，飛魚的問題可以放薄膠片在缸頂(如果你的魚缸屬於細小型)，或者將水位降低一點都可以有些幫助。如果你大部份D魚都上水面，有可能水中沒有足夠的氧氣。導至這個可能的其中原因之一是缸太小，魚太多。

如果你有時間的話，最好去一去金魚街行一行，自己睇下。至於呃吾呃人，可能只是一少部份店鋪或一少部份店員而非全部。至於有冇固定去開邊間魚鋪，沒有。因為大部份都幫襯過。我會建議你去書店(大型連鎖嗰幾間)或圖書館借或買本來睇下，D書多數都會教你開新魚缸的步驟和場影布置。有D還會講魚常見的病和療法。

你個魚缸細，唔夠空間，ｄ魚見到出面有咁大地方，會以為出到去就有大地方住。

你最好買個大ｄ的缸給牠們住，可以令魚滿足一ｄ。

同埋，養草其實用砂都唔係有太大問題，不過要買細粒ｄ的砂。要不時插肥料入去ｄ砂到，用水肥滴係for葉，無咩用架，肥料最好用插入去砂入面個ｄ。

你買左沙？乜野沙？
草通常用泥種，因為泥有肥料，可以減省日後施肥。如用ADA泥更可保持水質酸性－－大多數草都偏好酸性水質。珊瑚沙就會令水質偏鹼。所以要睇睇你o個ｄ係乜野沙。
水草方面，水族店賣得o既，一係就由水草莖／側芽剪出，用棉包住再入黑色膠籃，呢ｄ草通常都係剪左再插入泥就會生根；一係就成棵挖出入袋，如睡蓮類。所以你見到拆棉後冇棉都好正常，因為俾得你買o既，唔會剪下入袋好耐。
插草要用鉗，幾十蚊一把直鉗唔慳得。插入泥一兩寸後（所以泥一定要有返兩寸厚），輕輕鬆少少，再輕輕震動，等泥／沙慢慢跌返入空位夾住草莖。插得唔好／斜哂可以再插o既～
驚俾人呃，買前就做下功課，上網上討論區睇下人地ｄ草同種植要求，甚至買本水草圖鑑，先去買草囉。