主持 - 崔建邦

Amigo，西班牙語，意即「朋友」。


崔建邦，洋名Amigo，26歲已相當世故，好「朋友」feel。


由父母離異、以至做隱閉青年，唔搵工齋打機再失戀，繼而重新振作，打拳賽七場贏六場，然後晉身娛圈，主打司儀工作，Amigo的人生既跌蕩又可寫成勵志式傳記。


雖有跌蕩人生，Amigo入行三年多名利雙收，由做part-time主持《翡翠音樂幹線》至全職擔任《勁歌金曲》主持，04年更正式簽下無經理人合約，陸續與頂級司儀曾志偉、鄭裕玲、沈殿霞做拍檔主持大騷，名副其實上緊位，不過，仍有隱憂。


「我做了成年《勁歌》，但擔任一些活動或你們所謂的大騷主持都從未試過有成班記者搵我影相，間中才有一兩個。」


大概正如Amigo所說：「可能我冇乜觀眾緣。」


說得輕鬆，全因有人欣賞，Amigo自比學生，說TVB給他無數考試，「相信test過後，那些校長、校監也認同我這個學生合格。」


於是繼續緊守崗位，繼續面對live show前的緊張，「但求去到自己滿意的位置」。


Amigo證明，自知、自信、自強，才能扭轉命運。各位amigo，收到冇？






考試




Amigo有固定曝光率。


逢周一至五下午兩點九有《娛樂直播》，晚上七點半有《東張西望》，逢週三有《勁歌金曲》，另加大小節目主持，觀眾對其反應敏捷、口才了得深表讚賞，對於03年才正式簽約無的Amigo來說，理應多得公司力捧，同時亦要感激無電視廣播業務總經理陳志雲於02年引薦他試鏡《翡翠音樂幹線》主持，從此展開人生另一階段。




一如過往，Amigo不欲多談無高層，外界大抵只知他曾是陳志雲（當時藝名為韋家晴）於港台開咪時的助手，然後介紹他參與無音樂節目主持的試鏡，一take成功。


如今再提陳志雲，Amigo仍堅持少講為妙，只輕描淡寫的道：「我不但少提他，我其實也很少談及其他人，基本上我覺得無謂提，人問我咪答囉。」


記得Amigo初登銀幕，不少人都感到疑惑，「佢邊度？」繼而數年間躍升為大騷主持，跟肥姐、志偉、DoDo姐一同主持無《台慶》，還有《勁歌》總選、一年一度的《港姐》競選亦有他的份兒，觀眾看過Amigo在台上的伶俐口齒、極速轉數，自然相信其實力，同時亦認同「呢個後生仔」上緊位。


「上位？我唔覺得喎！我諗其實算是按部就班，只是觀眾未必睇得晒我所有的演出，所以大家會覺得點解我只用了幾年時間便去到呢個位置，但我是親身經歷的人，我看得出TVB有俾過test我；事實上，我做了整整一年《翡翠音樂幹線》主持，那時才不過是part-time，一星期返一日，之後又做了一年《K-100》主持，我諗那時大家都覺得呢個小朋友都ok喎，不如俾個機會佢睇可唔可以加入呢個大家庭喇，終於等到04年我才正式簽下無經理人合約。」


曾經看過一篇報道，「崔建邦是一個很有潛質的司儀人才……他的表現還勝過一向只懂嬉皮笑臉、油腔滑調的曾志偉！」的確，Amigo雖沒有高大身形和俊朗外表，但勝在主持節目從容淡定，臉上常掛親切的笑容，總教人看得順眼。


「我仲爭一大截呀！」Amigo反應甚大，他甘於做志偉口中「微不足道的司儀」，卻不願飛上枝頭變鳳凰。


「當我跟志偉哥、肥姐、DoDo姐合作過就知道，自己距離可以獨當一面仲差好遠，有幾多料只有自己先知。」








自閉






Amigo跟一般青少年無異，有過反叛期，會考得幾分兼做過雙失青年，即使父母於他幾歲時離婚，但Amigo卻沒踏上歧途，只是到了某個階段發現自己一無是處，自信心往下沉時想辦法逃避，於是日日匿屋企打機覺再打機，幸好低潮期只維持了一年多，Amigo又再重新振作，打拳打到自信心番晒，跟父母的關係亦回復當初。




「中五會考得幾分，之後到英國讀了半年英文，再返港報讀Art Centre的computer graphic，不過一份工都搵唔到。我是一個不懂安排自己的路的人，亦唔係好識諗，好似小朋友咁，唔鍾意讀書，淨係識覺；有段時間會成日諗學業成績唔好，咁第時點算？我試過去見sales都唔請我，個人冇乜目標，好怯，淨係識得逃避囉，於是日日匿屋企睇漫畫、打機。」


眼見體重得番116磅的Amigo，母親當然焦急，可是Amigo卻仍沉醉於打機世界中，費事睬你。


「其實當時我跟媽咪有一種頗特別的溝通方法，而且呢招真的很奏效，不過她到今時今日也不知道，就是每當我打機打到最興高采烈時，她便會攝張紙仔入我房，上面寫：『阿仔，我對你已經忍無可忍了，你愈來愈瘦又唔搵工做，你知媽咪幾擔心你。』好奇怪，當我睇完張紙仔後，我那晚便不會打機，我諗一個人衰極都有良知，不過第二日我又照樣打機，哈哈！」


做了一年隱蔽青年，在朋友慫恿下，Amigo終於放下控制器，跟徐家傑學西洋拳，更因此重拾自我，創下七場贏六場的佳績。


「我跟徐家傑師傅學了八年拳，藉打拳，我才覺得自己並非一個廢人，知道自己的存在價值，雖未至於扭轉人生，卻把我一些性格及想法改變過來，首先個人冇咁懶先喇，我本身好懶，堪稱『懶中之王』，打拳令我有了希望，覺得自己都唔係咁差，一個人衰極都有樣會做得好。」


Amigo為中韓混血兒，父母於Amigo幾歲時離婚，自此跟韓籍父親生活，至中一時才跟回母親；小時候的Amigo雖家境貧苦，「與父親、繼母、細佬、細妹、姑姐、伯伯七個人同住一間房」依然過得開心，不過來自單親家庭難免為他帶來自卑感。


「細個都會有影響，有時自己做錯事可能會責怪父母，不過慢慢長大便沒有這種想法，現在跟他們的關係亦非常好，跟母親更甚，賣渣麵養我嘛。」










情人






雖出身單親家庭，Amigo卻仍對愛情充滿憧憬，「只怕女方冇安全感」，不過對於感情事，Amigo採取低調態度，絕少提起，甚至是繼陳志雲後，另一封口話題；04年，Amigo擔任《K-100》主持跟「四葉女」之一的唐詩詠相戀，至今拍拖年多，二人更多次被拍得結伴行街買傢俬等，Amigo說：「影得多都悶喇！」




一提女友，Amigo即煞有介事，「要講咩？你真係想知咩？」


然後又說：「你問喇，我全部都會答，你放心。」


「感情穩定嗎？」


「穩定。」


我不懂回應，只用眼神演繹：「你玩我咩？」


Amigo立即補充，「我聽過一個朋友講，佢話你鍾意一個人無論佢係男定女，做咩都好，你都會鍾意佢，好似我以前成日諗將來的女朋友一定要長頭髮、面尖尖、眼大大，雖然她都是，但係有時唔係你定個擇偶條件就去揀，我覺得揀另一半最主要都要睇對方的性格，幾靚都好，終有一日你會睇厭，但係一個人的性格，除非她受了很大刺激，否則唔會點變，所以兩個人相處好重要。」


唐詩詠於去年10月承認與Amigo拍拖一年，並公開力讚男友轉數快，「好幽默、識講人，必要時又思想成熟，尚算體貼。」至於女友的吸引之處，Amigo亦大方闡述。


「第一，她是一個不說是非的人，我很怕女仔成日話唔鍾意邊個唔鍾意個；第二，很多人覺得娛樂圈的女仔好貪慕虛榮，為求上位不擇手段，但她不是這類人，我已經覺得好夠喇。」


「我一向不喜歡談感情事，因為覺得對女方來說不太好，始終她是演員，需要的市場跟我不同，我不想影響她的工作。我雖然出身單親家庭，但我仍然認為家庭是人生最重要的部分，以前我會問點解父母要離婚，但人大了跟女朋友分手後便會明白當初父母為何離婚，原來有問題真係要大個先會明白。」






靚仔






係人都貪靚。


尤其身處娛樂圈，即使主打司儀工作，外表對Amigo來說仍很重要。


因有自知之明，Amigo的個人網頁都一而再再而三強調自己「唔高」或者「要增高」，甚至以往的訪問中亦多次自嘲「唔靚仔」。


不過今次冇。


「我阿爸叫我唔好再咁講，因為我成日話似佢，話自己唔靚仔咪即係話佢唔靚仔囉。其實我咁講係想大家留意我才能多，我都唔覺自己好唔靚仔！」


不過前幾日跟Amigo通電話，他仍不忘追問專訪相靚唔靚。


其實靚唔靚不但睇外表，性格好心地好自然靚到出。


起碼，今時今日的Amigo，一定比終日匿屋打機的日子靚仔順眼得多。

崔建邦（Amigo Choi，1979年5月8日—），中韓混血兒，是香港無綫電視近年積極力捧的藝員，主要是擔任電視節目的主持；他在加入無綫電視之前，曾在香港電台及新城電台擔任DJ。他曾與另一無綫藝員唐詩詠拍拖，崔建邦後來承認分手，仍舊是好朋友。
演出作品

[編輯] 節目主持(無綫電視)

勁歌金曲
醫道小百科
K-100（與唐詩詠、劉綽琪主持）
翡翠音樂幹線2003
無間音樂
音樂潮@GIV
娛樂直播
東張西望
萬千星輝賀台慶2005、2006

[編輯] 其他主持

2005年度SINA Music樂壇民意指數頒獎禮
2006年度SINA Music樂壇民意指數頒獎禮

[編輯] 外部連結

AmigoChoi.Com
3周刊(第336期)打到 崔建邦

佢有後台，咪係陳志雲囉！