我想問下d化妝既技巧啊!!初化妝/3\

基本選擇
1. 液體(Liquid)：最受化妝人士歡迎，大部分含高水分，粉質較薄和自然，適合膚質狀況較好時使用。
2. 膏狀(Cream)：有一定程度上的厚度，具修飾作用，除了作打底用外，加強分量可用作遮瑕。適合皮膚況較差或成熟皮膚使用，但大部分模特兒或藝人上鏡時都喜歡用膏狀粉底，令皮膚的效果更完美。
3. 條裝(Stick)：固體型粉底，可修飾皮膚，有遮瑕作用。較為乾身，適合油性皮膚人士使用。
4. 乾濕粉(Two-way)：混合粉底及碎粉的作，可利用乾或濕的化妝海棉上粉，乾用時如碎粉效果，濕用時有粉底效果。如皮膚狀況好，隻要薄薄掃上一層己經足夠，適合油性皮膚人士使用。

挑選粉底
挑選適合己的粉底，可依照以下三大條件：
1. 膚色
2. 膚質
3. 不同皮膚部位的需要

顏色的選擇：
以選擇最接近自己的膚色為佳，若隻想測試粉底的質感，可試在手背上，用手指推開粉底。但如要選擇顏色，必需直接試在面上才會找到最適合的選擇。


使用粉底步驟

1. 先從額頭開始，用化妝海棉輕輕把粉底液均勻地推至面上每一角落，切忌太過用力。
2. 接下來在兩邊面頰輕輕掃上。
3. 鼻樑位置由上至下掃，人中及鼻樑兩側更要特別留意，小心過多粉底積聚於凹位。
4. 不要忘記在下巴及頸部掃上粉底，千萬別讓頸及面部呈兩種不同的顏色。
5. 眼肚的肌膚特別幼嫩，要特別輕力處理，若有黑眼圈可以在完成第一層粉底後，重覆加上一層作遮瑕用途。


貼士
1. 建議初學者使用化妝海棉上粉，效果會比較均勻。待技巧熟練後，亦可以手指直接塗於面上。
2. 使用微濕的海棉上粉會較薄和貼面。
3. 日間或平時的自然妝，緊記粉底越少效果越自然。


〔碎粉〕
完成粉底部份後，再掃上碎粉，可以有定妝的作用，臉部亦會感覺亮澤富光采。

基本選擇
1. 粉餅：粉餅狀，通常用作補妝。
2. 乾濕粉：乾濕兩用，濕用時粉質較厚，乾用時像粉餅的效果，同樣有補妝作用。
3. 碎粉：薄而碎的粉碎，除了可以穩定粉底液的貼面效果，亦可作遮瑕用。


挑選碎粉
1. 如直接撲在臉上（沒有塗上粉底液），可選擇最似膚色的碎粉。
2. 如撲在粉底上，可選用較淺的顏色。
3. 於眼部附近使用，若使用跟臉上碎粉相同的顏色，效果會變得暗沉，選用顏色較淺的為佳。


使用碎粉步驟
1. 準備一個清潔的粉樸和大化妝掃。
2. 想有自然的效果，先以小量的碎粉用粉撲平均印在臉，上注意鼻兩側和面上的凹位，避免積聚過多碎粉。
3. 眼肚位置可以用粉撲印上較淺色的碎粉。
4. 最後以大化妝掃把多餘的碎粉掃走。這時碎粉就好像薄薄的一層保護膜，令粉底更加穩定和持久。


〔眼影〕
眼影是眼部化妝的重點，也可以是整個妝容的靈魂之處。可供選擇的眼影色彩眾多，適宜挑選與自己氣質配合的色調，妝容效果更加事半功倍。

基本選擇
1. 粉狀：較為普遍，容易使用，可覆蓋較大的範圍。
2. 筆狀：質地密度較高亦可用作眼線。
3. 膏狀：較難控制，若想效果持久，需要蓋上少許碎粉穩定眼影。

選用眼影前，宜先清楚哪種眼影會為你帶來甚麼效果，可參考以下兩大類效果：
1. 啞質(Matte)：效果比較自然，容易使用。
2. 閃亮(Shimmer)：效果突出，要依場會適量使用。


使用眼影步驟
1. 若使用多過一種顏色時，先上淺色系的眼影。
2. 用闊身的眼影掃，將淺色的眼影粉，均勻地掃於整眼窩及雙眼皮位。最均勻的效果是幾乎看不出開筆及收筆的位置。
3. 以毛頭較小的眼影掃，沾上較深色的眼影由貼近眼線的位置開始，輕輕描畫至眼尾，自然收筆。
4. 如希望眼影更持久，可以輕輕印上少許碎粉。


貼士
1. 若未完全掌握到化妝技巧，盡量避免選用太過奪目及誇張的顏色，以免弄巧反拙。
2. 每次使用眼影掃後，於乾淨的紙巾上輕輕掃走餘下的眼影粉，可避免與下次使用的眼影顏免混合。

〔眼線〕
畫上眼線的眼睛，往往顯得更大更有神采，是容頻憔悴的好幫手，但亦要小心眼線化開造成尷尬場面。

基本選擇
1. 筆狀：像畫畫用的顏色筆般，筆尖較軟及柔潤，可直接勾畫於眼線上。
2. 粉狀：比較普遍，可利用沾上少許水或乳液的眼線掃，掃上適量眼線粉，描畫出自然的眼線。
3. 液狀：質地較濃和厚，比粉狀及筆狀眼線效果強烈，描畫時手勢需要非常穩定，一般適用於單眼皮人士或特別的場合。

黑與啡色是最基本的顏色，你亦可配合整個妝容的色系去配上不同顏色的眼線。


畫眼線步驟
1. 畫眼線前，最好先滋潤眼皮部位，可較易上色。
2. 由眼頭最前端位開始，盡量靠貼睫毛處與眼線平衡，描畫至眼尾。
3. 眼線畫好後，撲上一點碎粉，讓眼線更持久。


貼士
1. 如用眼線筆，要保持筆頭清潔，筆頭亦要夠尖及幼細，才可畫出細緻自然的眼線。
2. 描畫眼皮位置時，因接近眼睛，力度應盡量放輕，並小心勾畫。
3. 若要重畫，最好先用棉花棒沾上卸妝液或乳液輕輕擦去原有的眼線，別用紙巾直接乳擦。
4. 下眼線不是每個人或每個場會都適用，用得不適當，反而會弄巧反拙，成為整個妝容敗筆之處。

〔睫毛液〕
眼睫毛的修飾可帶出眼睛的神采，加強眼部妝容的視覺效果。

基本選擇
與眼線一樣，黑與啡同是最基本的顏色。除了一般的睫毛液之外，增長睫毛液﹑防水睫毛液亦十分普遍。購買時要注意睫毛液的質感，太乾或過黏的，塗上後可能很快便會變硬，難以控制。

畫眼線步驟
1. 將睫毛分成三段，先從最內貼近眼皮處開始夾一下，再於睫毛中段夾至微彎起來，最後於接近末端處夾起，令睫毛的彎度更自然或持久。
2. 塗上睫毛液，從上眼睫毛的根部開始，順著彎起的角度，掃上薄薄一層睫毛液，而下眼睫毛則於表面部分往下掃。睫毛液的使用量，以點到即止為最自然。
3. 睫毛較長的，適宜於掃上睫毛液後，再用睫毛夾輕輕夾一次。

貼士
1. 若睫毛黏在一起，可趁睫毛液未乾透前，利用睫毛掃梳理整齊。
2. 如睫毛液不小心掉到臉上，切勿用紙巾直接拭擦，否則會令睫毛液散開，染污己完成的妝容。試用一根塗上少許乳液或清水的棉花棒，輕輕把睫毛液掃走，再於那位置上撲少許碎粉。
3. 眼睫毛較疏及短的朋友，可嘗試用假眼睫毛，許多假睫毛的效果非常自然，市面上亦有整排及一根一根可作選擇。


〔胭脂〕
胭脂除了造出臉色紅潤的效果外，還有修飾作用。於適當位置掃上深色的胭脂，可突出輪廓，令臉部比例更平均。

基本選擇及用法
1. 粉狀：化妝人士最常採用，因較易掌握顏色的深淺度。用胭脂掃將胭脂粉掃在臉頰上，力度要輕，避免效果不均勻。
2. 膏狀：質均較厚，顏色較貼實。可用手指或化妝棉塗於面頰上，再撲上薄薄一層碎粉，讓胭脂更持久。
3. 液狀：薄而色澤較濃。可以手指沾上較少的分量輕擦於擦臉頰上，再逐漸加強至喜歡的深淺程度。

上胭脂的技巧
一般技巧
1. 由顴骨開始往後掃上棕色或較暗的胭脂色系，可令面形顯得較修長。
2. 於眼肚對下突起的顴骨位置，輕輕掃上粉紅色系的胭脂，令面部感覺健康明亮。

面型修飾法
1. 若兩邊腮骨比較突出，可以刷上深棕色的胭脂，造出自然的陰影效果。
2. 如面形較寬，可利用較深色的胭脂，從臉部四周：顴骨﹑太陽穴﹑兩側下顎，造出自然的陰影，令臉龐看起來較瘦削。


〔唇色〕
不想化妝的日子，至少塗上一點唇色，給面容帶點神采。

基本選擇
1. 唇筆：勾畫唇形的工具，可避免唇膏出界。選擇時要以顏色較淺的為佳，以免出現明顯的唇邊，效果不自然。
2. 唇膏：最普遍的唇部化妝用品，可直接塗上或以唇掃掃於唇上，若唇部比較乾燥，宜先用潤唇膏打底，以免出現唇紋。
3. 唇彩：油質較重，可直接塗在唇上，效果自然透明感重，亦可於塗唇膏後掃上，讓唇部看來更加飽滿。

上色步驟
1. 塗唇膏前，可在唇上印上少許粉底，令唇膏更貼服持久，亦可令唇色更明顯。
2. 先從唇部的中央開始上色，再往兩邊咀角。亦可用唇掃沾上足夠的唇膏，均勻塗於唇上。唇掃較能處理咀角的彎位處，效果細緻。
3. 最後添上唇彩，同樣從唇部中央開始向兩邊塗上。

貼士
1. 唇筆可以用作勾畫唇形，或直接塗滿雙唇作為主要的唇色。若想唇色更持久，可以先用唇筆塗滿雙唇作為打底，但切勿隻畫上唇邊，以免當唇脫色時，餘下明顯的唇邊，影響儀容。
2. 想令唇部有啞色的質感，或減少唇色沾到牙齒的機會，試將一張薄紙巾拉平印在雙唇上，可以印出多餘的唇色，或於紙巾上撲上少許碎粉再印到雙唇上亦有同樣功效。但唇部較乾的人士最好避免使用碎粉，因會令雙唇更乾

1)一般化妝既次序係:
如果用濕粉
base->濕粉->遮瑕->碎粉->眼影、胭脂等->睫毛液
用乾粉/兩用粉(乾用)
base->遮瑕->粉餅->眼影、胭脂等->睫毛液
兩用粉(濕用)
base->遮瑕->噴濕粉樸->印上粉底->用乾粉樸再輕輕印上粉底->眼影、胭脂等->睫毛液
上睫毛液之前應該先化左眼影先, 唔係d眼影粉會痴晒上d睫毛度架
2)mascara有3種搽法既
上睫毛:
z型就係打橫個掃, 由睫毛根部開始向睫毛尖端搽過去
搽既時候隻手要輕輕左右2邊郁, 好似寫一個「z」字咁
用z型可以搽到濃密既效果
另一個方法都係打橫個掃, 由睫毛根部向睫毛尖端搽過去
不過就係向睫毛尖端掃過去就得
呢種搽法可以拉長睫毛, 有增長效果
下睫毛:
除左上面2種方法, 搽下睫毛可以打直個掃, 輕輕將d睫毛液掃上睫毛度
咁係因為下睫毛一般都短d, 用上面既方法可能唔太方便
除左下睫毛, 呢個方法仲可以用黎處理眼頭眼尾呢d好難搽既位
3) 其實如果你本身既mascara唔難落, 呢個方法都冇咩問題...
但係要留意返佢會唔會刺激到對眼
落眼妝最好係用返眼部卸妝液, 除左落得乾淨d之外, 都冇咁刺激
Maybelline果隻同Fasio point makeup remover都係唔錯又唔貴既選擇
面部卸妝其實用返普通卸妝油或者你果隻棉花都已經ok, 當然最好落完再洗多次面啦
4) 你睇有咩要求啦... 平既可以比少少建議你, 都係自己用過覺得ok既
濕粉:
Revlon color stay active light makeup $138
防水防汗, 有SPF25, 效果好持久, 中度遮瑕
用手指上效果已經好好, 又唔會厚粉
2-way:
其實用2-way會比較方便, 反正你都係平時出街化少少果隻, 用2-way冇咁煩又唔駛買咁多野
Cezanne 2-way 粉餅 $69/$70/$90(卓悅)
有2個價錢係因為係3種黎... 不過都係屬於又平又好用果種
$69果隻係藍色盒, 主要係控油, SPF18, PA++ (不過呢隻好多人都話有d乾, 皮膚唔太油既唔建議你試)
$70果隻係粉紅色方形盒, 主要係遮毛孔既, SPF18, PA++
$90果隻係橫盒, 主要係滋潤同防曬高d, SPF24, PA+++
Cezanne既粉幾幼滑, 同埋效果自然唔會好厚粉, 乾用同濕用效果都好好, 唔會好易溶妝
碎粉:
面具果隻 $6x (sasa/卓悅/屈臣)
d粉幾幼滑, 不過唔太透, 用果陣唔好用太多, 皮膚唔係真係好白既建議用OB色
Mascara:
Maybelline lash stylist (waterproof) $75
增長同濃密效果都可以做到, 但又唔會好唔自然; 可以搽到好分明, 又唔會好易有一舊舊
胭脂:
Canmake $5x (屈臣)
d粉紅色好靚, 選擇都幾多
Bourjois $105 (屈臣/朗豪坊西武)
超上色同持久, 個掃都好好用~ 超多色揀, d色仲好靚! 不過係貴d... (自己用緊34號, 係一隻好自然既粉紅色, 皮膚唔太黑既都用得)
眼影:
kate 約$110
好上色, d色好靚同埋配得好好, 一盒就可以化到好靚同有層次既眼妝
Bourjois $105(單色)
超上色又持久, d色超靚同埋好多選擇, 又唔會起摺痕, 不過三色果隻聽講唔太好用...
不過你可以試下mini Bourjois果d~ 佢同普通單色一樣, 不過size細好多
$40一隻色, 個盒($20)要另外買 (個盒可以放到2,3隻色架~ 即係total$100就可以自己襯到一盒雙色既眼影~)
L'oreal
好上色同埋好多色揀, 一盒幾色果d都配得幾好, 不過d色冇kate同Bourjois果d咁靚
唇膏/唇彩:
Maybelline water shine $59
好上色同埋滋潤度好, 雖然會甩色, 但起碼個咀唔會越用越乾
L'oreal Glam Shine $6x
滋潤度好, d色係透薄果隻, 唔誇張, 而且質地幾爽唔會痴立立
Bourjois $105
好上色~ 滋潤度都好, 又持久~ 個掃幾好用, 連咀角位都唔會搽出界 (不過係貴d......)
整體黎講, 其實我覺得Bourjois最好用... 不過係貴...

正確的化妝步驟:
1. 洗面
2. 爽膚水
3. 面霜
4. 防曬
(以上是基本護膚程序)
5. base
6. 粉底
7. 遮瑕
8. 蜜粉 (即係碎粉)
9. 眉
10.眼影
11.眼線
12.睫毛液
13.胭脂
14.唇膏 / 唇彩

睫毛液要由根部開始搽, 而手勢要好似 " Z " 字咁行先會均衡, 最好係最後用一支乾淨的掃再掃一次睫毛, 將多餘的睫毛液掃走, 咁就會均勻D.

眼部要用專門for眼用的落妝, 最好的當然是lancome的. 專柜要成$200幾, sasa會平D$165左右.
面部落妝要睇你D 皮膚質地, 我推薦DHC的落妝油岩乾性 / 中性 / 混合性偏乾. 油性皮膚岩用gel狀的, 可用ipsa的落妝產品, 有油的, 有gel的!

其實, 要淡妝的話, 是好睇技巧的! 因為一般人會將d粉愈加愈厚的, 而所選用的色彩又較sharp, 所以睇上o黎會好厚!
要淡妝, 可以選用下列的化妝品, 再因應你自己的需要而加入其他用品.

1. base
2. 濕粉
3. 遮瑕
4. 蜜粉 (即係碎粉)
5. 眉
6.眼線
7.睫毛液
8.胭脂
9.唇膏 / 唇彩

1) 搽完面霜, Base, 濕粉, 碎粉, 畫眉, 眼影, 眼線, , 胭脂, 唇膏
2) 睫毛液先夾好, 用手指反起眼皮用Z方法, 會比較自然
3) 用DHC橄欖油, 眼冇問題
4) 若平時可面霜, Base, 濕粉, 碎粉, 畫眉, 睫毛液(透明), 自然色唇膏
初化妝可用Maybellin