我打通左,但對方cut左我線

我覺得佢想同你分手, 不過, 既然你琴日講左今日出黎, 你可以照send sms比佢, 話佢知你會幾點同係邊度等佢, 但唔好再打電話比佢, 我相信佢亦都唔會接你個電話, 但你照舊出去等佢, 如果佢真係冇應約的話, 唔需要再打電話比佢, 你已經知道發生乜野事啦.

唔多似分手，似玩野多啲。

cut線呢招我以前成日對住我女友用，啱啱琴晚我同佢又嗌左交，我而家就係等緊佢打電話嚟，佢一打嚟，我就cut線，唔係我要同佢分手，而係要佢以後唔敢唔聽我話。

男女朋友拍拖，女仔通常會要求男朋友就晒自己，但久而久之，個男仔冇晒地位。如是者，冇左男性尊嚴事少，最閉係個女仔會逐漸覺得呢段感情冇左刺激，平平淡淡，唔多緊個男仔，跟住就會想到分手。

所以醒目嘅男仔當發現女朋友好似唔係好緊自己，就要做啲野，唔聴電話係最簡單直接兼有效嘅一招。

詳細嘅做法係咁嘅：首先唔好息電話，要等個女仔知道個男仔係聽到電話嘅，否則收唔到個效果。跟住等個女仔打電話嚟，一打嚟一係按拒接，一係一接聽就cut線，擺明唔睬你。個女仔呢個時候嘅自尊就會收損，如果試多幾次都係咁，仲會hurt到喊添。而個留言信箱喺呢個時候就扮演一個好重要嘅角色，因為個女仔咁傷心，一定有好多野想同個男仔講，就等個女仔對住個留言信箱講，個男仔事後聽番，用嚟檢討自己呢招嘅功效，如果個女仔係個留言信箱度喊苦喊忽，求個男仔睬番佢，咁個男仔就知道佢呢招駛得。但醒目嘅男仔呢個時候都唔會睬番個女朋友住，要玩多幾日，等個女仔完全謝晒啦，先走番出嚟睬番個女仔，呢個時候個女仔但求自己個男友唔好再咁對自己，往後仲唔聽聽話話，小鳥依人咩！

為左要喺段感情攞番個主導權，要女朋友重視自己，久不久就要用吓呢招，對女友係殘忍左，但長遠嚟講，段感情會持久啲。

你今晚照去等佢啦，佢嚟又好，唔嚟又好，都係喺度玩野啫，冇事嘅，放鬆啲。

你唔好胡思亂想呀，可能你男友只是唔得閒聽你電話呢........可能佢發生突發事件所以唔聽得電話呢，對方唔聽電話有好多可能性架，你唔好亂咁諗呀

如果佢要分手的話應該會直接同你講0既........唔駛用唔聽電話依招丫......

2007-05-22 16:30:27 補充：
你諗下佢近來對你表現如何，如果佢只是一兩日唔聽你電話，你就唔應該咁快下結論話佢想同你分手，我諗佢之前那天都有約你出街都唔會話想同你分手囉，要分手的話都唔會約你出去啦...你睇下依幾日打比佢，睇下佢接唔接你電話先諗佢係咪想分手啦........有陣時男人太忙有野做個陣乜人打比佢都唔接電話架，所以你唔好亂諗野喇

2007-05-23 18:16:26 補充：
你試下打133睇下佢接唔接電話，一係用第二個電話號碼睇下佢接唔接電話，如果佢會接0既即係話佢有心想避開你，如果一樣唔接電話可能佢真係有事發生左先至唔聽你電話，你試下先作結論啦，唔好太早就諗到人地想同你分手啦.......

2007-05-25 12:26:12 補充：
如果你想有個答案，你試下send短訊比佢，問佢係咪想分手，逼佢答你，等你知道答案了就唔駛估來估去.........對你自己都好d

2007-06-01 10:44:34 補充：
我覺得你男友無黎交戴，連直接講分手都唔夠膽，係要你估估下，佢就舒服了，但你要估來估去，真替你辛苦......

佢咁既表現應該就係想分手，但呢個男仔無勇氣去解決！
我勸你都係放棄佢啦！一個男仔都可以拖泥帶水咁，要唔要都擺啦！要話比自己聽無左佢唔係唔得既！相信將來一定會找到有一個懂得珍惜你的人！

好明顯, 佢唔想聽你電話, 應該都係想同你分手。你今晚唔好出來啦, 出面又大雨, 淋病咗仲唔抵啦!
傻妹, 佢咁既處理分手的方法好唔成熟, 而且佢都好怕事, 連分手都唔敢提出, 鬼祟唔聽電話, 依種男仔唔駛恨。 算啦, 唔好擔心, 亦唔好傷心。唔值得呀!

我覺得這已是分手的序幕，不過唔可惜！
因為這男的處事手法，唔湯唔水，有問題就扮隱形，有事都唔敢堂堂正正面對，
同佢一齊都唔會有安全感，將來對家庭的責任感，你自己評分啦！
好男人有好多，唔好浪費青春呀！