我夢到自己死o左呀~ 請有心人士幫我解夢...

夢中既我係平時帶狗仔去散步既地方度有幾個人,個d人係透明架,有老人家同中年人, 個時係零辰點幾,其中一個人同我講：你係唔係睇到我呀後生女?我話係,佢：你好似唔知咩事咁喎?我：咩事呀?個女人就話：你死左架喇~ 你知唔知呀?我：下?你講咩呀~我點死架?我真係唔知~ 佢：你唔信你就返屋企睇下

當時我聽完佢咁講,我當聽個笑話咁,慢慢行返屋企,企係屋企門口,我就係度諗『丫~我係鬼黎架嘛,咁應該唔使開門,用手穿入去咪得囉』我伸隻手入去試下啦,嘩!!!真係伸得入呀,入到去之後,屋企人個個都係度喊~家姐媽咪阿哥阿嫂~仲有2個靚妹,個個都摺緊金銀衣紙比我,我坐左係度望住佢地~佢地睇唔到我~坐左陣,有人拍門,係Uncle(我男友個爸爸),uncle佢問候我媽~我：『係喎~得uncle 既,我男友呢?佢去左邊?』

我就走出屋企門口,諗住去搵男友,仲諗d好搞笑既野『我係鬼黎喇喎,咁我識唔識飄呢?使唔使搭巴士出去搵男友呢,定係飛過去呢?』諗諗下~個腦海中閃過一段片,段片係咁,當時我搭緊地鐵,地鐵越左軌~彭~d燈熄晒,當光返既時候,我就見到我自己死左喇~

夢到呢度就醒左喇~唔知有咩預兆呢?