(40分)重要!!!!!Grant loan問題...

如果有老細，最好叫老細寫(相信你申請得到$30000grant，收入都唔會太豐富)，因為有根有據可以縮短個程序，又可以增加說服力(自己應該同老細寫o個個數一樣ga啦，唔係查起上o黎話你偽造文件就無謂啦<---我試過，結果o個年冇得申請)。當然，可以的話附上收入證明(e.g. 存摺 or 工資單 or 稅單) o既副本。

另外，MPF會增加你攞多o的grant o既機會，因為MPF=減你人工，你o既實際收入就少o左啦。至於tax，應該冇影響(因為我唔駛交tax，如果有人要交稅，不過又係最少o個種，咁當收入-tax時，收入個數就會好細，分分鐘細過唔駛交稅o既人)。

至於summer job，你可以寫係part-time性質(因為佢個指引話part-time唔計)，不過你要清楚o係「附加資料」o個頁寫上有關的收入，同埋mark o係你o既存摺副本度。

如果你父親有乜長期病，不妨寫埋落去，有醫療收據就更好(有得加grant)。