應唔應離婚呢?

無論男方定女方, 工作過後, 相信都想有個人錫自己, 想大家開心, 有溫暖既感覺.

如果成日鬧交, 要細想鬧交的原因, 是問題真的不能解決而要鬧交嗎? 還是把問題化大了而鬧交? 想對方可以細心tum番自己而鬧交? 我明白女方都很想男方最錫自己, 得到寵愛, 然而, 現在已經走到關係差劣的地步了, 要問問自己到底還是不是很愛對方, 很想與對方和解, 建立好的關係、家庭? 如果是, 那麼自己可不可以放下面子, 盡自己最大的努力去包容?

我認為你既suggestion不錯, 很理性, 可是, 男方並不合作, 那是不是你傾談時的語氣不夠soft? 有時用比較emotional的方法, 或許可以幫助解決問題, 所謂受軟唔受硬, 你可以試試由你去action你既suggestion先, 即係你寫低你既心底話, 如有關相處、家庭、bb等, 寫落一張心意咭上, 或你自己親手畫, 盡訴心中情, 一來顯示出你的誠意去和解, 二來男方可在心平氣和的情況下了解你的想法、處境, 三來寫咭其實都反映你的心意, 是情趣, 是溫暖.

希望你可以試下, 幫助到你地兩夫妻. 記住, 千萬不要做傻事, 人生滿希望, 你還有很多事情沒有見識、嘗試過, 你甘心就此與美麗的世界、關心你的親人告別嗎? 還有你肚裡的bb, 你快將做媽媽, 那種偉大、喜悅, 你不想感受嗎? 你不想看見自己的bb對住你笑嗎? 你不想聽到bb嗌你一聲媽媽嗎?

我們這裡沒有人比你更清楚你的心思、處境, 只能客觀跟你說和解建議、生命無價, 至於離婚與否, 這是你盡了你最大的努力、包容、寬恕後, 再去細想思考的問題, 在此與你分享溏心風暴大契與仔仔、新抱將離婚時的一番說話-------------- ll 離婚手續就好簡單，律師費一千蚊有找，簽個紙，唐至逸，Jackie，咁就得架喇！從此你最深愛既人，做咩都同你無關，各行各路架喇！從此你最深愛既人，亦都同你無關，你真係捨得咩？你就嫌佢脾氣暴燥，你又嫌佢任性硬頸，但呢個世界邊個人冇缺點架？做夫妻係要容忍對方缺點架！我有陣時心情唔好，自己睇自己個樣都唔順眼啦，照塊鏡都覺得自己乞人憎啦！何況係第二個人？做夫妻做人世唔係咁做架，係要容忍架，而且係要忍到底架！阿嬌Jackie，係個天俾機會我有心有力同你地講呢番說話，我諗我永遠都無機會再講架喇…你地大個仔，大個女架喇，聽唔聽你地自己決定啦… ll

希望可以幫到你, 其實我並未結婚, 也許未能真正領略你的處境, 然而, 生命無價, 你一定要好好珍惜生命, 珍惜緣份, 如果緣份真的盡過你最大努力, 而不能修好, 那他亦只是你身命裡的一個過客, 而不是全部, 你一定要好好生活, 把屬於你的生命演繹得最燦爛、精彩！ :)

你們兩個老實講, 結婚係太早, 亦未必對大家好. 現在, 因為你們兩個要為未來的生活感覺壓力, 而且金錢會係男方真正要面對, 亦最實際的問題. 男方對真做爹地的角色會有心理憂鬱, 但可能未必識得表達. 女孩子對自己的角色改變,總希望有人鍚多D, 因為媽媽最想老公分享自己的經歷. 其實, 你們要好好同自己屋企人傾談多D,他們亦會支持你們, 係心理上你們的壓力會舒緩. BB出世係你兩人最大的注意力, 其他的愛唔愛自己, 愛佢等都係無謂問題, 絕對不能解決生活問題. 無必要將負面情緒破壞新生命的來臨. 至於離婚, 等到同家人商量後先決定, 不必這麼早就定案. 其實, 你的問題不是絕望的, 有許多同你一樣的人, 面對同一樣問題, 唔使諗得咁灰. 無論如何, 家人一定會支持你們的決定, 放心啦.

有個方法, 你可以試試, 點都好過你諗果d....離婚或者去死咗佢!
我睇你老公係個大細路, 未玩夠果種人, 你試吓放長線, 好似紙鳶
咁, 任由佢飛, 因為紙鳶有條線, 飛到咁上下會返番嚟咖啦! 你要
表現開心, 唔好罵, 唔好激氣, 因為佢返到屋企, 見到你, 你就問長
問短, 若然佢表逹力差, 叫佢點同你講? 點令你明白? 總之 ~ 若然
佢有呃你, 你要問佢點解, 睇佢點講? 俾一次或兩次機會, 再係變本
加勵, 先考慮離婚, 我相信你老公, 唔適應婚姻既束搏, 一旦結咗婚,
就好似有個大包伏壓住, 所以 ~ 你要嘗試用放長線的方法, 等佢覺
得你無咁大壓力俾佢, 佢自然會多留在你身邊, 要沉住氣, 唔好嘈!
若然佢真係完全唔理你, 經常再去夜街, 你生完之後, 佢都無改變, 咁
你真係要想想, 呢個男人, 係咪適合你, 離婚無乜大不了, 帶住細路,
一樣可以正常生活, 一樣可以再婚, 千祈唔好被個bb拖住一世, 因為
你地以經可以講, 行錯第一步, 就係為咗bb而結婚, 大家唔識諗, 無諗
過婚後會有呢種問題出現, 先至有呢個後果, 嘗試用我既方法, 去改
善你哋既婚姻.

千萬不要輕言離婚。你的情形我覺得婚姻還有救，最起碼你愛他，還有一個未出世的bb，其實你丈夫只是太年輕，自律能力不够而已，他去玩可能覺得在家里無情趣，畢竟只有廿幾多，還是一個大孩子，他能决定和你結婚和要bb這已是一個相當負責任的表現！只是你未和他找到一個開心相處的模式。不如你和他開心見城做一個約定，你允許他一星期去两日或者三日，其余時間就要回家和老婆散步或出去找一些節目合家歡，有自己空間的同時也有家庭的相處時間。大家都要平衡一下，難道他想個家散咩？
同時你要調節你的情緒，有bb心情要好一點，如果唔係bb出世佢啲脾氣會好臭架！到時帶bb會好辛苦架。如果你仍有不開心的時候，記得找人傾訴呀！不要自己鉆牛角尖，明愛的向情軒會有24小時的社工為你提供支援輔導，電話：18288，世界上有許多美好的東西等着你，試想一下bb出世後你會有另一種新的生活。
希望可以幫到你啦

首先唔好唔開心先, 我同你既情況都幾似,係因為我有左bb而結婚,
佢話佢愛我,唔止為左BB ,我同佢拍拖到結婚(9個月), 結婚(6個月後)生BB,
好似你咁...佢成日去打機飲酒去玩...又好夜先反屋企...佢去左玩又話比我知
佢去反工!最後比我發現我覺得好心痛......不過我冇想過死左佢一了百了!
因為第1 ...唔值得,老公係你自己選擇既
第2 ...BB 係無辜既
第3 ...未必好似係想像中咁差吧? (你老公得廿幾多)
我老公當年做爸爸24/25years old , 後生仔有誰
會天天放工即回家不出街呢?
回想到現在我個BB 都4years old, 我沒有選擇離婚,都沒有想死,
我辛苦得似你一樣,但(現在)我明白經歷過結婚生BB到現在,我知道
我之前之所以咁辛苦,你因為自己覺得太愛我老公, 將所有焦點 放落
佢一個人身上(你將焦點 放落其他人/ 事物上 )你會好過些輕鬆些，
如果你生過，你就會知道應該愛你媽咪多些....
(我地岩岩一齊個陣佢唔係甘對我架)....但你要想想現在你的身份，
不再係女朋友，而係佢家人，你想一想你會怎樣待你家人呢? 你放工
回家是否即刻陪家人談天說地嗎? 有心事/ 工作事煩．．．會找 家人嗎?
你老公都係人，佢想去玩，去打機飲酒等， 當然找朋友啦! 你身份唔同左，
你要學 包容，學 唔好將所有焦點 放落佢度，你們會開心些...
現在我有時候仲會問自己: 其實係我因為有左bb 先至嫁佢，唔係問佢係咪
因為有左bb 而同我結婚? 你要為自己為bb 生存，待bb出世後你會明白多一點...^^~

佢呃你因為驚你嬲 呢d係佢用黎呃你既借口
睇返你自己本身介唔介意個老公成日出去玩先...唔介意既話
咪同佢傾下囉 照直同佢講 我唔係介意你出去玩只係介意你呃我 唔比我知
你肯講真話我唔介意比你出去玩 咁囉
如果你自己本身又介意佢成日出去玩又玩得夜既 你要試下接受佢玩得夜
再而慢慢同佢傾下 大家千就一下 佢出去玩少d 你介意少d咁囉
有時有d野真係要抽時間大家傾下.....
我都好憎自己老公呃我ka...但佢成日都驚我鬧唔敢講
我每次都會同佢傾返 雖然開頭佢都以為我因為佢去玩而嬲
其實我嬲既只係佢呃我....我老公而家都改左 少左出去玩 多左係屋企

其實你而家有bb ka....唔好成日咁煩躁 咁唔開心 對bb唔好
你其實同老公一齊拍拖果陣你老公係咪已經係咁?
你首先唔好亂諗野先....其次就睇下你老公想點...因為太悶出去玩 定係d fd約好難推
定係其他不因所以成日出去玩...可能佢返工壓力大所以先出去舒緩下既姐
真係試下同老公好好傾下啦...

你老公係咪廿令歲果d未定性?係既話難搞dd...

大家都唔係有相同的想法，無謂哂大家啲時間，搵個第件，緊有件合意既，唔好人鍾
意你又話鍾意致得架。

我覺得你唔需要離婚咁嚴重,你地的問題唔係鬧交的內容,而係點解成日鬧交...
會唔會你跟本唔比佢去街所以佢先要厄你呢?當然你係唔係大住肚佢都要照顧你啦.但係每個人都有佢自已的空間,唔好壁得咁緊,如果佢係去得好密咁就真係有問題啦...
點都好啦，兩個人一齊係有 D 咩都要傾架，唔好驚,兩公婆有咩唔講得先。
唔好有事就話離婚，有問題係要解決架。

有咩唔開心最緊要拎晒出來講，重要千祈唔好激動，要心平氣和、開心見誠，早結婚的其中一個壞處就是大家思想都未成熟，一下子就要拋開以前自由自在的單身生活，在家從妻，有幾多人做到？給他一點時間改變吧！告訴他你不是不喜歡他去玩，而是不高興他講大話，要求他不回家時先給你電話，說你同個bb都很記掛他，有時用下軟功，不要一開口就鬧交，男人有時是受軟唔受硬的，你沒看電視嗎？大契不是說，做夫妻本來就要忍讓、要包容。千世修得共枕眠！不要輕易放棄，尤其是生命，還是兩條！
有時間你也可自已找些節目，和朋友約會下，頃訴下，人就會放松些，開懷些！為了bb健康，不要時常哭，他會感受到你不開心的。離婚不一定可以解決問題，尤其是為了bb，不要讓bb在單親家庭成長，努力些吧！或者bb出世後，情況會不同呢！到時大家多了一個共同的目標 --- bb，關系會不同了！給大家多點時間，給大家多些機會，明天一定會更好的！

記住無論如何千祈唔好諗住做傻事呀!!bb係無罪架,雖然係改變左妳嘅6年計劃!但既然已成唔可以改變嘅事實咁應該雙方坐低好好計劃將來嘅打算,既然佢愛妳我相信佢會放低妳所說嘅壞習慣好好同妳傾嘅,但妳可以用d溫和嘅態度引導佢去討論現在要面對嘅問題,但以妳現在情況黎睇必須要搵個專家同妳地傾傾,妳感到大壓力時可以搵個好朋友傾傾,妳喱刻最緊要得到舒發,佢地一定會明白妳感受嘅!記住唔好鬱埋自己亂諗野!我會嘗試幫妳搵下d熱線電話!開懷d無野係解決唔到!

2007-05-22 22:54:58 補充：
夫婦想培育婚姻關係香港明愛婚姻培育熱線 25229766 (24小時)透過電話資訊熱線，幫助已婚人士認識夫婦良好溝通的重要性、處理衝突技巧香港家庭福利會家福關懷專線 23423110生命熱線23820000有情緒困擾、需要輔導佢地都可以同妳傾聽記住妳身邊仲有好多人關心妳嘅,打個電話去傾傾丫*如果其他網友仲有更好嘅輔導熱線或其他途徑的話,希望其他人可以提供更好嘅協助!