邊間球會擁有現今最佳門將?

車路士施治同皇馬卡斯拿斯應該係現今最佳門將頭兩位!!但個人認為卡斯拿斯會比較優勝,佢喺好早期已取得皇馬正選門將之位,當時仲係好後生嘅佢已經幫皇馬取得多項殊榮!佢係皇馬取得歐聯,西甲等奪冠關鍵人物!其冷靜同穩定都保持到好高水平!!!就算我喱個唔鍾意皇馬嘅人都不得不承應!

梗係愉園范俊業啦

咁就要睇下你覺得邊個係當今最佳門將，我自己覺得保方、施治同卡斯拿斯仍然最好嘅三個，所以答案即係祖雲達斯、車路士同皇家馬德里。

可能大家無睇意乙啦，無留意到保方今屆嘅表現，不過照我自己睇過幾場意乙比賽嘅經驗嚟講，保方絕對無失準，無錯祖雲達斯的確係成日失分，但其實失嗰啲波一係就係靚波，一係就係後防失誤導致，唔可以怪保方，事實佢對博洛尼亞嗰場就喺臨完場前幾分鐘連續救出兩個靚波(托出一球近門頭槌同埋用腳擋出一球勁度十足嘅遠射)，結果祖雲達斯就喺補時連入兩球，以三比一擊敗博洛尼亞。

施治好我諗大家都唔會有異議，足總盃決賽連續撲出朗斯同傑斯嘅射門已經係好好嘅證明。雖然佢今年長期受傷，但復出之後仍然可以保持高水準，而且一直有進步，所以我覺得佢好有機會成為下一屆世界盃耶辛奬得主。

卡斯拿斯亦都係啦，今年皇馬差啲俾條豆腐防線累死，如果唔係多得卡斯拿斯頂住，我估皇馬隨時連歐洲賽參賽資格都保唔住，佢一直表現都好好，只係如果撲十二碼方面可以改進下就會更加好。

其實我覺得希迪布蘭都好好，佢下屆會加盟華倫西亞，我相信佢絕對可以幫華倫西亞挑戰一下聯賽冠軍嘅位置。

柏納都幾好，唔單止撲波得，同時亦都可以入波同助攻，可惜已經三十三歲，如果佢可以好似列文同雲達沙咁老都保持到當然最好，但係如果唔得嘅話西維爾都幾頭痛。

你都可以留意下曼城嘅伊薩臣，佢係瑞典國家隊首席門將，當年施治由雷恩加盟車路士之後，雷恩就係用佢去接替施治。

另外有幾個門將我相信未來幾年內會變成球星，下面列埋俾你，你會發現德國喺守門員方面嘅前景其實好好。

紐亞(史浩克零四)、艾達(利華古遜)、艾米尼亞(利禾奴)、卡文尼(愛斯賓奴)、卡拉素(馬賽)、禾簡迪美路(費倫巴治)、高美斯(PSV燕豪芬),托度(國際米蘭)

梗係張春暉la

姓名: 張春暉 (Zhang ChunHui)
身高:179cm
體重: 73kg
國籍: 中國
球衣號碼:23
司職位置: 守門員
出生日期: 1983-03-14


張春暉（Zhang Chunhui，出生於廣州，1983年3月14日-）是香港的職業足球員。於2006-07球季時，他從香港流浪轉會他投南華，並憑其實力迅速成為該隊的正選守門員。在最近一季的香港甲組足球聯賽和其他香港盃賽中，他的表現極其出色，並助了南華取得當季的香港甲組足球聯賽冠軍和銀牌冠軍。他亦被眾多球迷評為香港甲組足球聯賽季度最佳守門員之一。他目前效力於南華，在此之前，他曾效力香雪製藥、福建和香港流浪。

2007-05-27 13:20:04 補充：
張春暉係南華架

曼聯　　　雲達沙
車路士　　施治
祖雲達斯　保方

車路士,西維爾擁有現今最佳門將!

咁就要睇下你覺得邊個係當今最佳門將，我自己覺得保方、施治同卡斯拿斯仍然最好嘅三個，所以答案即係祖雲達斯、車路士同皇家馬德里。
可能大家無睇意乙啦，無留意到保方今屆嘅表現，不過照我自己睇過幾場意乙比賽嘅經驗嚟講，保方絕對無失準，無錯祖雲達斯的確係成日失分，但其實失嗰啲波一係就係靚波，一係就係後防失誤導致，唔可以怪保方，事實佢對博洛尼亞嗰場就喺臨完場前幾分鐘連續救出兩個靚波(托出一球近門頭槌同埋用腳擋出一球勁度十足嘅遠射)，結果祖雲達斯就喺補時連入兩球，以三比一擊敗博洛尼亞。
施治好我諗大家都唔會有異議，足總盃決賽連續撲出朗斯同傑斯嘅射門已經係好好嘅證明。雖然佢今年長期受傷，但復出之後仍然可以保持高水準，而且一直有進步，所以我覺得佢好有機會成為下一屆世界盃耶辛奬得主。
卡斯拿斯亦都係啦，今年皇馬差啲俾條豆腐防線累死，如果唔係多得卡斯拿斯頂住，我估皇馬隨時連歐洲賽參賽資格都保唔住，佢一直表現都好好，只係如果撲十二碼方面可以改進下就會更加好。
其實我覺得希迪布蘭都好好，佢下屆會加盟華倫西亞，我相信佢絕對可以幫華倫西亞挑戰一下聯賽冠軍嘅位置。
柏納都幾好，唔單止撲波得，同時亦都可以入波同助攻，可惜已經三十三歲，如果佢可以好似列文同雲達沙咁老都保持到當然最好，但係如果唔得嘅話西維爾都幾頭痛。
你都可以留意下曼城嘅伊薩臣，佢係瑞典國家隊首席門將，當年施治由雷恩加盟車路士之後，雷恩就係用佢去接替施治。
另外有幾個門將我相信未來幾年內會變成球星，下面列埋俾你，你會發現德國喺守門員方面嘅前景其實好好。
紐亞(史浩克零四)、艾達(利華古遜)、艾米尼亞(利禾奴)、卡文尼(愛斯賓奴)、卡拉素(馬賽)、禾簡迪美路(費倫巴治)、高美斯(PSV燕豪芬)

2007-05-30 11:52:17 補充：
fungtang1996
[小學級 4 級]：你抄我唔緊要，但係托度過多幾年應該會退休，你咁肯定佢未來幾年做到球星？

皇馬　　　卡斯拿斯
華倫西亞　簡尼沙里斯
西維爾　　柏立
曼聯　　　雲達沙
車路士　　施治
祖雲達斯　保方
國際米蘭　施薩索拉斯
里昂　　　高柏

我覺得以上幾位都係效力球隊今季有唔錯成績ｇｅ原因
特別值得一提係卡斯拿斯　近年皇馬防守頗弱　但屢救險球　實乃最重要球員之一

另外　至於　拜仁　ｇｅ　簡尼　同阿仙奴ｇｅ　列文　可能因為年紀ｇｅ關係今季表現我覺得麻麻　而同樣高齡ｇｅ　簡尼沙里斯　同雲達沙　前者不過不失ｌａ　而雲達沙簡直係曼聯重奪聯賽冠軍ｇｅ重要功臣之一
至於ａｃ米蘭ｇｅ　迪達
　　巴塞羅拿ｇｅ　域陀華迪斯
　　利物浦　ｇｅ　連拿．．．
時有大失誤　影響球隊成績　
個人覺得　連拿今季對曼聯戈場　衰收尾係經典之作