泰國自由行 ~~ 第一次去 ~~ 有乜好介紹

http://www.thailandfans.com/ 這個網站不錯~您應該用的到~ 旅途愉快

siam@siam design 唔錯, 又就腳又新。
如果易去, 又一定要去的有: 新大黑日本料理(中午的定食), 水門的海南雞飯, 唐人街的T&K海鮮, 建興海鮮.....
Spa方面, 我唔多去, 比較大路的是Let's Relax, 下面附張地圖俾你, 你印給司機睇就得。

圖片參考：http://i200.photobucket.com/albums/aa23/wong196907/sukhumvit_new_map_ok_227.jpg

機場方面: 你一到步在2樓, 可以去1樓或4樓搭的士, 1樓要俾50baht手續費, 佢會幫你抄低的士資料。如果4樓, 有時可以唔駛俾50baht, 但有可能俾人趕。你有泰文地址就更加冇問題。
酒店去機場, 你同bellboy講Airport就已經ok, 佢唔係車左你去舊機場的, 除非你指定。
買左旅遊書, 可以參考下裡面的內容, 再睇睇我下面的資料幫唔幫到你, 下面的內容我覺得比較適合第一次去的人:
1.去JJ Market(瞿道瞿市場), 是一個跳蚤市場, 幾乎你想到的都有得賣, 價廉物美, 但有排行, 行一天也不一定可以行完一半。(只開星期六和日)

2.Siam區的商場(MBK, Siam Paragon) + Siam Ocean World

3.Chitlom區, Big-C(必去, 大型超級市場,可以買泰版零食), Central World(最新的大商場, 裡面有Naraya, 喜歡布藝手袋, 拖鞋, 這裡最啱), Central Chitlom(大商場, 裡面有Sanrio)

4.Pratunum區, 最值得行的是Pratunum Fashion Mall, 在Amari Watergate Hotel對面, 是本地人行的商場, 衣服、飾物、文具、精品, 四樓有迪士尼產品的批發店, 亦有一個比其他商場抵食的Food Court
如果唔怕熱, 又鍾意行下d好似香港女人街的地方, 可以去水門批發市場(Pratunum Market), 價錢平過女人街好多, 個別店舖賣既野都幾有特色, 不過好熱。

5.Join local tour, 抽一日Join當地的一天團, 可以事先在網上book定, 亦可以去到先搵旅行社book, 如果識得去 “高山路”(Khaosan Road)的話, 可以找到最平的, 如果在你住的酒店BOOK, 可能比較貴, 亦可以到Pratunum區的Baiyoke Sky酒店附近, 可以搵到幾間旅行社, 可以講價, 講價後的價錢都ok
在網上book定亦是不錯的選擇:
http://www.changthai travel.com/package_t ours/bangkok/bangkok _tour.html

6.大皇宮, 鄭皇廟半天遊:
坐船可由Saphan Taksin站(BTS)行2-3分鐘就係碼頭(Central Pier),再坐十幾BAHT船就到, 在maharaj pier(pier N9同N10之間)落船行去grand palace, 沿途可能有d小地攤睇, 如果唔想搭船亦可以搭的士(但記得要用meter或上車要講好價)。
記住近grand palace 附近好多有心人會話(有d 又話自己係教授, 有d又話自己係遊客, 有d 仲識講中文)皇宮今日唔比入、唔開、帶你行唔使比入場、做你導遊等等, 全部都唔好理, 總之繼續去, 基本上係日日都開的, 時間方面, 早上去比較好, 冇咁熱, 下午唔記得係收3.30定係5:00了。
注意: 大皇宮規定要著長褲和有袖的衫。(女士可以穿長褲或長裙)
入場費: 外國人250baht, 本地人50baht

7.四面佛: 如果許願後, 願望成真的話, 一定要回去還神。

8.Massage: Shopping 可以讓人瘋狂, 但之後會周身骨痛, 最好就是做一個Thai Massage, 在水門區有很多平價的, 但如果怕太難找的話, 在Big-C向北的兩條街, 可以找到一間比較ok的, 價錢亦比較平宜, 名叫: Indra Spa, 400b 150分鐘! 還有其它更好的, 但不容易找。

9.看人妖show: http://www.changthai travel.com/package_t ours/bangkok/calypso _bangkok.html ,在這裡book最平

10.美食, 泰國人很喜歡食, 所以在曼谷很容易找到各種美食, 泰國菜、越南菜、日本菜、法國菜、意大利菜、中菜, 這些食店都很容易找到, 好吃的亦不少, 有興趣的話再另文介紹。
唐人街亦是必去的地方之一, 晚上有大量好吃的街頭小食。

11. 海南雞飯:在Big-C門口, 人背向big-c, 右邊行7分鐘, 過了李海泉, 再過了一條小石橋, 到逹一個大路口, 不過馬路, 轉右, 可以找到一間串燒, 串燒唔錯, 奶茶都好正, 再直行, 見到一間粉紅衫的海南雞飯, 又平又好食, 再直行有一檔小販, 芒果糯米飯好正, 再直行找到藍色制服的海南雞飯, 更好食, 不過要夜晚先開。

2007-05-25 13:49:27 補充：
呢個負評係俾發問者的, 我花了個多小時, 幫佢一個個point答晒, 佢竟然....
如果佢個問題係, 有乜網站好介紹, 我就冇話可說!