就這樣分手了，不可惜嗎?我想追返佢!!
2007-05-22 7:26 am
佢係一個好有理想同上進既男性，有時可以話真係過份理智。佢係第三者，為左佢我放棄感情掉淡左既男友而同佢一齊。佢要工幹而經常不在香港，半個月見一次。可能每次見面我都要求佢陪我多d，發少少脾氣。有次佢病住咁返黎香港，我搵唔到佢好擔心，於是晌自己日記寫左負面既說話同內心感受，佢話自此唔係好想見我同聽我電話，寧願對住朋友都唔想搵我。過左一段時間，我主動同佢傾我地之間既問題，佢覺得我唔明白佢既想法、理想同夢想，對住我唔知要講乜好，話我地個性不合，而我覺得佢一直無俾機會我去了解(因為我好難搵到佢)，話我地做返朋友先。而家我地分手唔係好耐，有時晌朋友聚會見到面，但係就唔會有野傾同埋大家都變得比普通朋友更普通。我打電話搵佢，佢既語氣就好似對住一個陌生人，我盡量用返初相識既輕鬆語氣對佢，可惜佢既說話好生硬。雖然我地一齊時間真係好短，但係都有回憶。點解突然間就話我唔明白佢呢?一齊之後見面既次數都不超過十次..或者以前我太拘謹唔識點面對佢，所以令佢誤會，我已經同佢講我一直進步緊，但係佢無再去留意我。我想大家重新開始，佢話要時間，佢話受左傷害唔係一時三刻就無事，而我根本唔知幾時傷害左佢，而且當時點解唔同我講呢?
回答 (5)
2007-05-22 10:13 am
✔ 最佳答案
我知你仲好鍾意佢..但如果你o係呢個時間仲不停咁纏繞佢, 佢會覺得你煩上加煩...其實佢係想搵一個獨立而又理解佢o既女朋友..既然佢要不停咁往返兩地工作..你就唔應該要佢出o黎陪你..有時你特登出去搵佢..陪佢食餐飯已經ok..佢未必係好男朋友, 但一定係好老公...而家佢既然話唔想再受傷...即係你之前有說話令佢覺得自己並唔係一個好男朋友, 你係咪o係日記度寫過..你想佢陪你多d, 但佢永遠都抽唔到時間, 你覺得佢唔重視你呢個女朋友, 等等...對住一個事業心重o既男朋友...你o既必殺技係無限支持及体諒...你冇得要求佢用多一點o既時間陪你..但你可以要求自己用多一點o既時間去為佢製造驚喜...你可以接佢放工, 送上一盒自製o既曲奇...慰問下佢之後, 就各自返屋企....咁做會令佢開心好多...因為你成日要求佢陪你...會令佢覺得你係一個負傫...
而家最重要係俾時間佢...你仍然可以用以上方法對佢..但記住唔可做多太多, 見得太多...因為你已經唔係佢女朋友..你只可以o係特別日子或每月一次去見佢...唔好俾佢覺得你係想纏住佢....
如果我答唔到你想要o既野..同我講丫...
2007-05-23 1:36 am
他...比較重視自己既理想多一點...
2007-05-22 8:29 am
無人鍾意過你，你既然咁叻扮野囉，唔係玩下囉，佢不過追查吓你為咩事要扮人唧，你何必咁認真呢？就算俾你追到，你將來又如何維持扮野型像呀，你不如做番自己，搵過第杯茶啦。
2007-05-22 7:55 am
我認為你不應再留戀跟他的這段感情,
因聽你咁講佢都好似不太懂關心你珍惜你,
你仲有的是時間同青春,
不會浪費在這位不懂關心你的仁兄身上~
姊妹, 要記住外面仲有一個好大的森林,
這世界不只一顆茶樹
因聽你咁講佢都好似不太懂關心你珍惜你,
你仲有的是時間同青春,
不會浪費在這位不懂關心你的仁兄身上~
姊妹, 要記住外面仲有一個好大的森林,
這世界不只一顆茶樹
參考: 自己經驗
2007-05-22 7:43 am
有時發下脾氣 嗲下佢都冇咩問題既
旦太多次反而會令人反感!覺得頂吳順
可能你地性格真系不合喇
旦既然妳仲中意佢就要努力爭取牙!
心平氣靜咁解釋返件事
傾下真系會好好多架
2個人相愛系好難得既事!好好珍惜牙!
改變一下俾佢睇!多d體諒佢
佢做野可能真系好辛苦
同埋同佢講下你既感受!
旦太多次反而會令人反感!覺得頂吳順
可能你地性格真系不合喇
旦既然妳仲中意佢就要努力爭取牙!
心平氣靜咁解釋返件事
傾下真系會好好多架
2個人相愛系好難得既事!好好珍惜牙!
改變一下俾佢睇!多d體諒佢
佢做野可能真系好辛苦
同埋同佢講下你既感受!
收錄日期: 2021-04-13 00:30:27
原文連結 [永久失效]:
https://hk.answers.yahoo.com/question/index?qid=20070521000051KK05314