新手有關人事管理的問題
2007-05-22 6:47 am
我本來是一個秘書, 剛轉行個administrative officer. 以前一直無管理的經驗, 現在要負責管理receiption, office assistant同cleaning lady. 因為我是剛入職, 但發現成team人都好惰, 可能好耐無人管的關係. 清潔的完全無做到本份, 我同佢傾過, 但我用好宛轉的方法同佢reschedule過佢的duty list, 但佢都仲係好惰. 其他的都有同樣的問題, 無完成自己應該要做的責任. 我做咗禁耐都唔知d office assistant d行程. 請問我應唔應該好直接同佢地傾. 如果我好直接問佢地點唔做, 或直接叫佢地做嘢佢地就好唔like. 請有經驗的人比的意見我. 謝謝.
回答 (2)
2007-05-23 12:54 am
✔ 最佳答案
你老闆有無向o個班人講明你係佢地上司and佢地要接受你嘅分咐? 如果無, o個班人會覺得你名不正言不順, 你仲要係新人, 佢地實蝦你. 作為一個supervisor, 下屬咁唔聽話, 你唔可以再低聲下氣, 但因為佢地唔肯睇你頭, 所以你一定要借老闆個名行事, 你同佢地serious D講話而家老闆想提高佢地嘅工作效率, 所以叫你幫佢地從新安排工作同埋時間表, 而且每個星期都要開會review工作進度同埋俾佢地提出意見(扮下民主, 任佢地講, 懶人梗係多屎尿喇, 廢話你可以唔聽, 如果佢地講得離譜, 你就要出言制止, 制唔制止到就要睇你功力喇, 不過斷估你讀書都多過佢地, 所以應該ok嘅).
不過記得做任何行動之前, 都要先同老闆講, 等老闆知道發生緊咩事, 班懶人好可能會向老闆篤你背脊, 你向老闆報定案, 一定無蝕底.
老實講, 俾著係我, 我就會逐個逐個炒咗佢地, 換番班聽教聽話嘅.
2007-05-23 2:36 am
首先恭喜你升職加薪先! 哈哈! 加了薪固然係加埋辛喇!
好入正題, 管理的含義,我以前看的書解說是籍一team人, 去完成上級所給與之任務 ok? 你由此看到, 最主要, 你要HANDLE.的是人, 上司, 下屬全部都係人.
好喇, 點管呢, 唔同你講得咁學術性, 簡單些, 你所管的係最基層的worker, 最好管又得, 最難管又得, 幻想下, 設身處地你做他們, 你會怎樣才會服從你的上司呢?(或可說驚你上司)
我呢, 會這樣想的,1) 不要外行人管內行人, 唔識就唔好扮識, 問多d, 識多d, 2)心服口服, 要恩威並重, 3)有說服能力, 4)嘻....操生殺之權 !
我估計你應該很後生, 比較嫩口, 唔驚...放心去嘗試, 不要驚做錯, 要取得你上司支持.多點去研讀有用書本, 去同一些經驗之仕傾談多些.有需要的話, 你可e mail 我, by casestudy, 的跟你研究, 應可幫你多點.
好, 謹祝您工作順利.
好入正題, 管理的含義,我以前看的書解說是籍一team人, 去完成上級所給與之任務 ok? 你由此看到, 最主要, 你要HANDLE.的是人, 上司, 下屬全部都係人.
好喇, 點管呢, 唔同你講得咁學術性, 簡單些, 你所管的係最基層的worker, 最好管又得, 最難管又得, 幻想下, 設身處地你做他們, 你會怎樣才會服從你的上司呢?(或可說驚你上司)
我呢, 會這樣想的,1) 不要外行人管內行人, 唔識就唔好扮識, 問多d, 識多d, 2)心服口服, 要恩威並重, 3)有說服能力, 4)嘻....操生殺之權 !
我估計你應該很後生, 比較嫩口, 唔驚...放心去嘗試, 不要驚做錯, 要取得你上司支持.多點去研讀有用書本, 去同一些經驗之仕傾談多些.有需要的話, 你可e mail 我, by casestudy, 的跟你研究, 應可幫你多點.
好, 謹祝您工作順利.
收錄日期: 2021-04-12 19:40:30
原文連結 [永久失效]:
https://hk.answers.yahoo.com/question/index?qid=20070521000051KK05081