讀咩易d入大學?

當然係ive o既高級文憑易升大學啦！！！

當你擁有IVEo既高級文憑學歷o既時候，你可以以高級文憑o既成績報讀本地o既學位，但係要視乎你讀o既高級文憑每年有幾多畢業生同埋報讀o既學位係唔係熱門。例如商業、酒店o個o的非常熱門o既學科，因為每年o既畢業人數眾多，而且要同副學士畢業生競爭，所以升讀學位o既機會較少。

反而一o的比較冷門o既高級文憑，每年畢業o既人數唔多，例如屯門IVEo既「建造工程及管理高級文憑」(Higher Diploma in Construction Engineering and Management)，今年o既畢業班未考畢業試已經有好多同學有本地大學俾有條件取錄(conditional offer)佢地，全部都係政府資助o既大學學位(唔係冇資助o個o的)，直到今日大學o既offer包括:
一個offer入香港大學o既土木工程，
兩個offer入CITYU o既結構及土力工程2年級，
兩個offer入CITYU o既結構及土力工程1年級，
兩個offer入CITYU o建造工程及管理2年級，
兩個offer入CITYU o建造工程及管理1年級，
兩個offer入POLYUo既土木工程。
有o的同學仲等緊offer，可能會有多幾個同學收到offer。(直升大學2年級o既取錄條件係優良成績畢業Distinction，一年級o既取錄條件係係良好成績畢業Credit)。直到今日已經有3分1o既畢業同學收到本地大學的Degree o既offer。

而且好多大型工程就o黎上馬，包括添馬艦，西九，舊機場，觀塘重建等等。起o的私人承建商度可以做工程助理或者助理工程師。今年開始政府將會重新招聘公務員，如果以高級文憑入職技術主任或者工程監工，月薪萬幾，所以我都介紹o左表弟表妹報讀。

不過如果你對建築完全冇興趣就唔洗諗。

2007-05-21 23:59:29 補充：
讀完毅進只係當你中學會考5科合格。只係中學會考5科合格係入唔到大學o既！

2007-05-23 13:49:03 補充：
仲有一樣o野講你知，4個入CITYU 2年級 o既同學，如果佢地可以以Distinction成績畢業，CITYU會俾各人３萬蚊獎學金。

2007-05-23 23:33:13 補充：
今日再知: 多一個offer入香港科技大學o既土木及結構工程，