人與人之間既疏離感......??好迷茫......

倪匡的科幻小說經常寫到, 外星人的溝通係用腦電波,
思想, 一想到什麼, 對方便會收到什麼, 快節直接, 免除要用口講出黎,
經過語言, 又因表達能力強弱問題, 往往令原本的思想打折扣地表達到口邊,
令人與人加深隔膜, 誤解因此而起. 因人係獨立個體, 思想人人唔同,
表達方式,用語唔同, 所以更加難內心溝通
如好似外星人咁, 一想到什麼你感受你想法你幻想等等, 便直達對方腦, 咁咪零距離,
冇疏離感.
但係如果係咁, 自己個人秘密就可能毫無保留, 亳無私隱,
稍有差池想法都被人知道, 咁你又會接受咩?

你可能, 咁夠可以假設, 選擇對方接收自己想佢收到的思想, 不準對方接收自己私隱的思想.
咁又回返你的問題, 每人是獨立, 有自己私隱世界.

所以如去到極端地亳不保留咁打開每人思想包括你自己, 你會願意咩. 任何人都有自己想法,
或唔想被人知o既事. 你自己都係啦.
係你覺得孤獨同時, 好可能你最近身的人都覺得自己好孤獨你唔同佢一樣....
諗落就係越諗越奇怪. 諗下無壞o既, 大家討論下都幾開心.

我認為你可以試下去搵心理學家傾下,
我認為佢同你傾會好d, 因為呢度d人唔可以成日都幫到你,
但係心理學家就隨時你都可以約見佢~~

你話你永遠都冇辦法可以去完完全全咁理解別人,
其實你可以唔洗咁諗既, 因為要完完全全去理解別人,
好多人都唔得啦, 唔係淨係你一個架~~
所以你唔好諗左去第二度, 同人地唔同唔緊要呀,
冇一個人係一樣架, 但係就唔好諗到自己同人完全唔同就要死咁囉....
亦都唔好因為呢種咁既感覺去綁住你呀..... 因為只會令你唔開心~~

你諗野多, 其實都算係思想比較快既人~~ 我都係架~~
都係諗野多, 咁人地叫我就唔好諗咁多野囉,
當你一諗果d野既時候呢, 你就叫你自己唔好諗,
你可以嘗試一下去控制你自己唔好去諗,
咁就其他野去分散你自己既注意力~~ 睇電視呀,
打機呀, 玩電腦呀, 同人傾下呀, 咩都得啦, 睇書又得,
總言之就係要專注d既~~咁就自然唔會去諗架啦,
但係講來講去都係要你自己去控制一下先至得呀....
希望幫到你啦.....

可能每個人生存方識唔同，加上一D自以為是既所謂保護式，我認為做好自已便是…

不如你諗野諗得positive d 丫
其實人係獨立既個體不過係要團體生活
每個人都有自己既思想,特別之處就係因為咁人係獨立既個體
唔可以完全理解一個人但至少有嘗試理解過
成有人可能同你同一個世界架
諗咁多唔好架 長氣講多次諗野諗得positive d 喇

2007-05-21 19:40:03 補充：
我既意思係實有人可以同你同一個世界..之前打錯