大肚婆應否去古兜溫泉渡假村?????

梗係唔好去啦,除非你去到唔浸溫泉,但係入面凈係得溫泉俾你玩,去到唔浸又冇引 !

我冇去過依個渡假村,但係去過從化清新溫泉,去過珠海御溫泉,其實都係千篇一律!!!

祇不過係入面積大細, 各式溫泉池的數量不同而已

大約都係有30幾個池左右,甚麼咖啡池,朱古力池,香薰池,藥材池等等花樣野,其實冇咩特

別,而且每個池都係一次有幾個甚至十幾人一齊浸,其實唔係咁衛生,而且你成6個幾月咁大

個肚,唔好話浸溫泉啦,沖熱水涼都唔好沖咁耐,因為熱力會令你全身血管彭脹,血流量增大,突然間的沖擊對胎兒係非常唔好架, 甚至會間歇性缺氧(好似你沖緊熱水涼沖耐左你都會覺得透氣都辛苦D), 咁樣絶對係對個胎兒有影響架,所以建議你真係唔好去囉!!

去吓公園吸收新鮮空氣, 叫你老公放假陪你散下步,調理好待產的心情仲好啦,千奇唔好舟車勞動啊! 如果你諗住
順產順順利利,其實平時要多做些輕量運動架,去到第8個月時要多走動才更容易生啊

好似我咁,一直以為可以順產,點知臨急抱佛腳,到第9個月先晚晚散步,郁動下,平時少做運動,最后我個bb頭仔到左預產期果日祇係落左1/5去盤骨, 最終過埋預產期一星期都係冇咩作動,要開刀拿出來

不可以，好容易會流產架，有不少資料都講過！

如果經濟許可，應該去一些較為安全(路面平坦，司機有水準)、衛生(洗手間及飲食)的城市去旅行，例如：日本、首爾、星加坡。如果較為經濟：澳門。

大肚婆是不可以浸溫泉，因為水溫會影響胎兒。