老的狗仔 臨終前有咩先兆

狗仔雖然已到了16歲，但只要佢仍然食得瞓得，咁你亦不需要太過擔心，當然你要珍惜同佢一齊既時間，始終唔知道佢邊一日會離開你，佢鍾意食d乜野，可以既話就盡量滿足佢，等佢開心下，有時間既就同佢去下街街行下，可能佢唔再能夠如以前般在你面前四圍奔跑，但只要有你同行，佢一定都會覺得好快慰。我都有隻十七歲既老狗，由佢細個到大，睇住佢由一隻好活躍既狗仔，變成現在行動緩慢的狗伯伯，知道可以同佢一齊既時間唔會太多，由於老狗抵抗力下降，前排仲得了毛囊蟲病，皮膚變得很差，看了醫生現在已好返8成了，唯一可以做的，是珍惜同佢一齊的每分每秒，每星期給牠吃一罐牠喜歡的濕狗糧，每天帶牠到街上散步，當狗狗不再進食的那刻開始，你就要有心理準備，牠會很快離開你，我之前兩隻狗狗都係開始唔食野，維持了一天便離我而去了。

提供一個舒服的咕臣／床墊讓牠睡好點．．．

佢身體有冇唔舒服呢? 食慾同埋大小便情況如何?
如果有問題, 要睇醫生, 起碼知佢咩事, 心中有數先啦.
如果佢飲食同大小便都冇問題, 就唔需要太擔心.
其實佢16歲, 已經好老ga喇! 好叻!
你要做既就係多D時間陪佢, 多D同佢影相, 留意下佢身體有冇邊到唔舒服,
盡量令佢舒服一D. 如果仲有地方想同佢去而未去既, 就好好把握時間.
多D同佢傾計, 佢會希望你陪佢走完佢生命中最後一段路.
唔好太傷心啦, 珍惜每一天, 每一分一秒, 同佢傾下計,
狗仔如果要離開主人, 佢都會希望主人安好生活下去.
如果真係去到最後既階段, 堅強D, 同佢講, 你會安好生活下去,
咁佢先會走得安心ga嘛!
記住彩虹下既約定. 佢會係彩虹橋到等你.
係要帶住你既快樂, 成就去見佢呀!

我養過好多小動物, 上年有幾隻狗仔都離開左我, 我明白你的心情.
你唯一可以做既就係切記要珍惜!! 要留影!! 唔好俾自己後悔!
加油!!

2007-05-21 13:46:13 補充：
徵兆, 隻隻狗都唔同. 有D會係病痛中離開, 不過你冇提及佢有冇咩病, 好難答你.亦有狗仔係夢中離開, 雖然係突然, 但係都係一件好事. 最少佢唔會太辛苦.生老病死必經階段, 你做好心理準備, 就好好考慮下佢既身後事.我自己一直都係搵開寵x天國火化, 細狗$800 左右~ 金毛$1500 左右, 算平, 而且服務十分之好.