地產代理向細客sell與向大客sell在技巧方面有什麼不同?香港的地產前景如何?

要睇下你地"細客"同"大客"的意思係乜, 要睇下你係以樓價來說, 個客人有錢程度來說, 定係買賣出入次數來說。

而本人應為所謂"大客", 係應該話個人的有錢程度, 點解? 一個有錢的人, 就算佢買的係細價樓什致車位, 佢地都係有錢人, 佢地有錢, 可能在於佢地的知識, 社會經驗, 投資經驗等, 你要佢地幫你賣/買樓, 其實跟本唔存在個 sell 字, 因為佢地知的可能比你多, 但係你要做的, 其實係分析, 分析佢買呢層樓的利弊, 呢樣叫做專業, 所以, 通常做較大碼樓價的 agent, 通常都有熟練的手腕, 充足的樓宇知識, 這樣才會有說服力。另外, 個客人買的樓宇目的是什麼, 亦要知道, 如果是投資, 大部份只要價錢平就會入市, 但係如果自住, 大碼的, 因為買家選擇多, 是要做較多功夫的。

而"細客", 亦相對是銀包比較緊的客, 其實要成功做倒佢地生意, 其實不太難, 但係本人認為一名地產代理要做的, 係要佢地買得開心, 要佢地覺得佢地買呢間屋係佢地 budget 以內最合適, 要點樣令佢地咁諗? 每個客人都想買間東南高層全海景仲要平的, 但係我相信機會好細, 要佢地買的開心, 教育係好緊要, 要比佢地知呢家屋苑內乜野單位成交是什麼價, 等佢地知道自己的能力可以買倒乜野樓, 而唔係盲目追從買家的指示, 話要買高層東東南全海就找高層東南全海的, 其實咁樣反而會害左佢地買唔倒樓什致 out budget, 教育佢地, 令佢地知道自己可以買倒什麼, 才真正是一個專業地產代理。

小弟有一句處世名言, 可能網友門會聽過, 出於紅樓夢

洞察世情皆學問
通情煉達是文章

正好用在一個成功地產代理身上, 大家好好分享一下。

地產agent新手，無實戰經驗，每日工作做cold wall,update,以致寄徵盤咭，跟師兄姐出去睇樓，至於，我之前的客人都是沒有錢付手期，睇樓又說家姐要來，要10時才睇，好流d客，之後，此客久不久又會進入地產公司同我講佢要選擇什麼盤，降低要求！此客一次睇樓都沒有，所以日日返工，同等死沒有分別！做地產有誰不想開單，什麼舊客之前睇過樓問佢們還有無需要，多數話無！日日客人都好死，開單都難，經理又問有無交易，每星期都問，好似我不想有！之後無做此行業！

好有用, 但可唔可以詳細解釋一下:
洞察世情皆學問
通情煉達是文章
的意思. 謝謝 !

其實冇話分細客與大客,
你只要當佢哋係朋友,
將心比己, 客觀 d 睇,
你好自然會知道佢哋想要 d 乜,
sell 起上嚟就會好容易

另外, 所謂細客可能就係 d 街坊客,
因為佢哋比起 d 所謂大客知嘅比較少,
你唔好同佢哋講咁多樓市
多 d 問吓佢哋本身嘅嘢, 混熟 d
售後服務做足 d,
佢哋反而會介紹到好多生意俾你
同埋唔好睇少佢哋

我試過做個所謂細客,
原本諗住買 100萬內樓仔, 但因佢覺得我做得好好
介紹咗勁多客俾我 (大約都有成10幾個)
然後嗰10幾個再介紹佢哋嘅朋友俾我,
結果我已經冇時間亦冇需要再搵新客

另一個住緊平居屋想買樓俾個仔住近 d自己, 都係 200萬內,
點知傾吓傾吓個仔原來好有錢,
現時個仔已經跟我買咗3間過千萬 hse,
所以真係唔好睇少佢哋

至於所謂大客, 佢哋普遍已經會有御用 agent,
所以難度會高好多, 因為佢哋已經混咗一段日子,
同埋多數係生意人, 你要識嘅嘢簡直要係上至天文下至地理
否則佢哋會認為你未夠班
仲要投資好多時間同自尊落去,

所以有得俾我選擇我寧願做所謂細客
佢哋又冇乜機心