因電話公司不公平而被屈

每個人也有權利和義務
你有權向消委會投訴 以及 要求sales向客戶交代清楚
但回想當初 你也有義務了解清楚條款細則

搵消費者委員是正確的途徑之一
但是消費者委員只是作為消費者和商業機構的中間人 為消費者提供意見等
沒有執行任何法律的權力

小額錢債審裁處 對你有用 http://www.judiciary.gov.hk/tc/crt_services/pphlt/html/sc.htm
何謂小額錢債申索?
小額錢債申索是指涉及款額50000元或以下的申索.

小額錢債審裁處主要處理以下幾類申索:
債務 .服務費 .財物損毁 .已售貨物 .消費者提出的各類申索
電話 28774068 地址 香港灣仔港灣道12號灣仔政府大樓四樓

我都試過俾3(和記/orange)屈我交6千電話費, 但我唔交又話當毁約要俾多6千幾... 仲揾追數公司追我...你可以試下以下方法:
1. 同佢講話寫信去蘋果/壹週刊投訴, 我試過去消委會但無用...之后話蘋果先停
2. 如果佢揾追數, 記住問同你講電話果位人兄攞全名同id/ stuff no. ,根住同佢講話拎埋Ｄ料資報警就ok

自此佢地就無追我la!!!

我都係咁話，你要睇下你簽個張contract，我相信上面所有的條款已經印晒係度。你一簽咗名就當你已閱讀及同意上面所有的條款。

坦白講你就算去消委會，電訊管理局 ( 電訊管理局好廢，乜都話唔關佢事，消委會好少少 )都係咁話，"基於你已簽署條款，咁已確定咗你同意，d sales 都唔會同你逐行讀架?"

3 的 service 真衰到爆，舊年中秋節食晚飯，我排隊搭小巴，連埋我一連四個人都係打唔到電話，四個都係 "3" ，第日我即刻將屋所有人的電話號碼轉走晒。

我而家用溫刀 fee都係咁上下(網絡叫ok)，但係 d 單都係亂晒龍。送 d 乜 服務物服務，送完一個月之後夠期就cut，cut 完之後又收錢，又要打電話上去勁炳佢，d 單先回復正常。

我相信你條數都係找硬，你唔找佢跟住就會寄警告信，話再唔交的話，一切行政費用會charge埋你，即係會請收數佬，但係張單會計埋落你度。佢再衰d 直頭寄律師信仲貴...........大財團係靠食我地呢d小市民一千幾百先可以有今日咁既成就。你又估吓李生一家又會唔會用3呢? 定係用亞 richard 既電盈?

我會建議你找鬼咗佢算數，跟住轉台吧啦。

你要睇下你簽個張contract上面ga條款,如果有寫明你上述所講ga分鐘而你又簽左咁我諗你都幾難唔比。你去消委會投訴佢係可以試下ga,但作用不大,因為最慘係你比個sales以不專業ga手法sale你簽左張新contract,而張contract係有約束力。

3 service的確唔多好,我之前都用過,我都比佢地'昆'個,個時係本身用緊ga,但個no.唔多好諗住出個新no.咁去佢地ga專門點到搞晒手續cut ma個舊no. ,點知到收到月結單個時佢竟然照收我兩個no. ga月費,打去hotline度問佢夠憺話無收到任何通知要取消舊個個no. !明明簽晒野ga ma不過佢死都話佢地公司無錯,最後都係無計,百幾蚊豪比佢,不過就即刻轉台唔再用3!