一張靚日落

首先, 一張相靚唔靚, 主要係睇你點去運用部相機...
你如果捕捉到美的一刻, 普通DC都可以做到.....

咁, 要影靚日落, 要有咩元素?
(1) 天氣 - 如果係多雲下雨, 不用想都知無可能影到日落..... 天晴, 都要睇日落當時的暮色如何... 留意天文台, 有高壓脊的日子, 你就好帶定相機啦....

(2) 地點 - 要影得靚, 最好係可以睇到多o的天空的地方, 市區就會較難, 同埋, 向西方的天空要較多會好一點.... 香港影日落的出名地點有流浮山, 下白泥, 等等....

(3) 參考別人的技巧, 吸收別人經驗 - 你去 www.fotop.net 同埋 dcfever.com 呢兩個網站搵"日落"相, 就會搵到好多其他人影日落的相, 睇得多, 自然會明白點為之靚日落相....

包括咗外在嘅因素.....
多少少心得, 如點設定部機, 使唔使用曝光補償等會更好....

好靚好抽象,我試下分享一般會遇到的問題.
首先個太陽係關鍵,如果太光好難影得好,你要搵到個地方地平線唔可以咁高,否則睇唔到太陽前一刻都係好光就會冇晒氣氛.跟住係天色,雲量太多唯有第二日來過.
想要好紅嗰種效果唔好用自動白平衡,要用日光,想再紅啲甚至用陰天.飽和度可以適量推高.測光可以用點測光測太陽旁邊的天空.如果想影剪通常就咁影已經得,想前面的景物也看見一點就要用漸層瀘光鏡.最好係把握時間,日落係好快的,整個過程可能只有唔到兩分鐘.