一個女仔第一次去法國自助, 應用那個旅行箱?

請問你介唔介意講，你離開aix-en-provence，之後會去其它那些小鎮呢? 我想做個參考!

我覺得20"細o急不夠用，你還要買紀念品麻! 太細唔夠用的喔! 22吋o急和可以拖可以背的背包都可以。

唔好意思...自從好久前我去完歐洲x個月大旅行後，我好少去睇行李o急/背包，所以俾唔到牌子你添! 不過肯定我是用這類物品的第一代喔! 哈哈~ 等我講你知吧!

我都是背不起背包個種人，我哥哥提議我買行李車+大背包，以前未有賣你說那種背包，咁樣便可以拖可以背，到上火車時和上下樓梯時用背的方法，歐洲的火車是要上幾級樓梯的，有時青年旅舍和小旅館都要上樓梯喔! 我平時行平路就用手拉，我還在手挽處加厚套添! 有次在火車站背住背包等火車時，有個人走前來要求我拍照，我唔想拍轉身走，他就拍我後面背住背包的情況，可能他覺得意念很好吧! 後來便有可以拖可以背的背包啦!

[大行李會寄在aix-en-provence當地b&b, 之後用普通size 背包去其它小鎮住6天]
你個大背包有沒有20幾KG先? 我試過拉26KG大背包!! 如果你會去其它小鎮住小旅館的話，我覺得沒有必要把大行李寄存在當地b&b囉! 因為b&b旅館未必肯免費幫你Keep 6天時間(他們地方少)，而且又需要特別走回頭路取回，行李始終跟身好一點喔!

我自己是住一個地點的小鎮旅館，每日搭火車/巴士去附近其它小鎮玩，每日留下大背包在旅館房間，用個鎖將它鎖住，出外就背個小背包+環保袋(有時要購物/買食物)，小背包不要放$$$(或只放好少量$)，放水、地圖、紙巾、外套、女性用品等物品，我還會放指南針和哨子。 如果我Check Out離開咗旅館，會到下一個地點玩兼晚上坐夜車走的話，我會去到下一個火車站，把大背包放入自助行李保管箱，等到晚上取回便可。

巴黎的治安真是不太好，好多非洲人、吉普賽人等，晚上不要太夜返回酒店，我一個女仔試過坐地鐵搭錯車，晚上十時去了巴黎市交，個月台得我同個非洲黑人，當時我真係好驚!! 好在個非洲人無打劫我...我在月台等咗十分鐘火車便到。 又試過晚上食完飯在街上俾法國人聊!

須然南部nice和provence小鎮的人既民風淳樸，但是法國人個性比較開放，又其是男士添!
總之一個人去外國旅行，就要打醒十二分精神，事事小心啦!

~祝你旅途愉快!~

2007-05-21 00:11:42 補充：
我講既22吋o急是給你作參考，唔知你實際買幾多手信/紀念品回來! 我覺得個細o急( 20")太細啦! 如果用個大o急和大背包比較，我會買大背包囉! 大背包給人的印象是你去行山、流浪和自助遊，大o急好像你會帶貴重物品係身上，人地唔知你去法國旅行呀? 還是出差去公幹呢?

2007-05-21 00:12:08 補充：
我個女性朋友在Nice遇到法國仔，只是和他基本聊天，他已表明大家可以更進一步了解(one night Sex)，我朋友聽後即時走人。 或者有人會喜歡這類東西，但你唔會知道他真正的目的是大家Happy吓! 還是想要你身上的錢，又或者是兩樣都要呢!!Ps. 我和我個女性朋友都不是美女，只是樣子好普通的香港女子來喔!

2007-05-21 00:17:01 補充：
你可以去旺角波鞋街(女人街隔離條街)，睇吓旅行用品店售賣可以拖可以背的背包先，作一個比較囉!

旅行箱:像屈X氏買大的那種,帶把鎖,/20-22吋能放大的那種也不錯,不要帶名牌去,会唔見(放火車也有機無咗)/引賊
你去邊?基本可帶佢去呀,否則回頭路找佢浪費時間
小心些呀!南法及巴黎較人雜,亦較多人飲醉酒，早些返洒店(入黑前)