汽車水潑感應

喺擋風玻璃後面近倒後鏡背面嘅地方會加裝咗一個紅外線發射器同感應器, 呢個發射器會裝紅外線以大概四十五度角射落塊玻璃度, 之後再反射番去個感應器. 喺冇雨嘅情況下差不多所有嘅紅外線都會反射番番去個感應器度. 但如果玻璃表面有水份, 因為水份會影響光線折射角度, 所以未必會全部紅外線都會彈番去感應器. 呢個時侯電腦就會分析紅外線折射嘅流失率加減, 而自動調節水潑嘅快慢. 大雨時, 玻璃水份高, 紅外線唔係全部番番去個感應器度, 水潑就加快.