✔ 最佳答案
1) 接合位(夾口)有好多處理方法
a)用模型膠水塗上件兩邊, 當然, 要肯定個接口位癡左之後無影響活動先, 之後組合, 再用壓力(eg: 文件夾, 橡巾.....)襯膠水未幹果陣"必"到佢有"膠""必"出黎, 等完全乾後(大終幾個鐘)~再作打磨~~
呢個係最平最安全既做法
b) 用畢地 / 牙膏畢地 - 模型鋪有得賣, 外形像牙膏, 枝裝, 用牙簽, 或棍仔, 將畢地塗在夾口位上, 之後等佢乾(最少一日), 最後打磨
呢個方法成本一般, 但係就係模型既基本功, 不過時間太耐, 而且畢地 / 牙膏畢地本身會收縮, 有機會效果唔好
c) AA膠 - 用法同上面畢地既一樣, 呢個方法較危險, 而且打磨難, 不過快, 一般較少用, 就算係高手, 都唔會剩係用AA膠........不過就易買同平, 五金鋪幾蚊有枝, 但就會磨餐死既
2) 關於偷膠問題, 沒有"簡單"方法解決的~只有用進階辦法, 合成畢地 / 黃畢地 呢D補土類既野黎搞
2007-05-20 12:11:04 補充:
不建議用紙舔土, 因為好易乾, 裂同時, 你再上油果陣, 上左既"力架"會比模型油溶番落黎, 你會油到手忙腳亂 D油會好核突