北海道旅行 - 自由行/ 跟團?

北海道自由行其實唔難，我第一次去北海道都係自由行。

不過其實跟團去定係自由行，要視乎同咩人去啦；如果你係兩口子或者幾個朋友一齊去，個人覺得自由行會比較好，因為時間同埋行程可以自己調節同安排，可以去多d自己想去既地方；如果係一家人去，有大有細既話，就會跟團比較好，始終因為旅行社為安排好晒所有食住同埋旅遊巴，坐車出入去各個景點會方便好多。

先講自由行，一般可以選擇5日package，首選地方都係札幌、小樽、登別、洞爺湖、定山溪之類，不過如果你會去較長時間，可以考慮道北地區，會有唔同既體會。

其實plan行程一d都唔難，只要你有耐性同埋肯花d時間去search多d資料，其實都可以玩得好開心，亦都能夠去好多你自己想睇既地方。

package好多地方都有得book，一般旅行社都已經有，個人覺得東瀛遊比較好，因為多酒店選擇，旅行社職員亦都好似比較熟識日本既旅遊資訊，而其他永安、康泰等旅行社亦有，或者就係一般你睇雜誌介紹好多book飛機票+酒店既agency，例如萬福等等。

而跟團既話，通常5日、7日、9日都有，去既景點會多好多，因為所有景點出入都有旅遊巴車埋你去，完全唔使自己搭車，同埋有部份可以係唔同機場出入，例如係札幌入函館走，唔需要走回頭路，可以節省時間，不過就可能會響每個景點限住你要幾點幾點上番車集合，又或者係去左d你唔係太想花時間既地方度。

旅行社都係覺得東瀛遊比較好，之前有朋友參加左縱x遊響12尾至1月初既5天團，d行程安排得比較差，可能因為旺季關係，要遷就酒店既期，所以行程既先後次序安排得唔好，去過既地方去完又再車佢地去，抑係就無時間預俾佢地買手信。

所以要視乎你自己鐘唔鐘意plan行程，因為都要幾花時間。

北海道自由非難事，原因：

1)JR PASS貫穿所有景點，包括札幌、小樽、登別、函館、定山溪、富良野、美瑛、旭川....等地，想去邊都得。

2)所有觀光巴士 或 乘其他鐵路 都會跟JR列車的時間表開車，自由行的話睇住時間計劃行程，非常方便

3)自由選擇吃什麼類型食物，北海道的刺身和長腳蟹好新鮮，自由行先會食得好

4)札幌有好多商場和OUTLET，你去邊個場買都得，唔駛限時限刻和指定商場

5)去北海道計劃行程非常容易，每個JR站都設有旅客服務，可以取地圖、訂入場劵...等

所以自由行去北海道係好過跟團