同女仔傾電話有咩話題呢?

聽你咁講，我諗你地兩個對對方都有意思，但就仲未開始，咁樣啦：

1)ｘｘ，我係bbmanfai2003呀，阻唔阻你呀？傾陣得嗎？
(先問下佢可唔可以傾先,因為對方可能正在忙,所謂要天時地利人和,
如果時機唔o岩,你猛想同人講,對方又夾硬要同你傾, 就失敗一半嫁啦.)

2) 我考完試兩個月, 近日....
(先講下你自己的近況, 等對方放鬆下聽你講下先, 如果唔係你一打電話俾佢,
就問佢近況, 要佢答你, 可能佢一收到你電話, 就已經心如鹿撞, 你仲要問佢野,
要佢答你, 佢就會好唔自然嫁啦, 要細心d, 多體諒對方呀.
仲有, 你講緊時, 要聽下對方的回應同態度, 如果佢已經好有興致要講野,
自己就講少d, 俾對方講啦, 如能做個好的聆聽者, 就係成功的一半啦,
當然, 如果你聽得出對方仍然唔係好自然,冇乜回應, 你就要帶著雙方的話題.)

3) 我點點點....你呢? 有兩個月冇見你啦(or冇同你傾過計啦), 你近牌好嗎?
(話俾佢知你係記住有幾耐冇同佢聯絡過, 證明你心裡面有著緊佢, 明冇?
如果你知道她多一點的, 例如父母有冇病呀, 有無寵物呀, 咁你o既問題就可以具體d,
例如「我點點點....你呢? 有兩個月冇見你啦, 你阿媽好番味呀?(阿旺近日好唔好胃口呀?)
諸如此類啦)

如果能夠好好咁打開話題, 大家就會好自然咁傾落去嫁啦.
因為如果雙方都喜歡對方, 就會好自然咁想知道對方的一切,
你而家就可以問下自己, 對對方的認識有幾深呢?
例如佢鐘意食乜, 平時鐘意去邊度玩, 有乜野偶像, 最鐘意邊本書,邊隻cd, 邊套電影,
同屋企人關係點, 邊個最friend, friend得黎有冇拗"叫", 讀書最鐘意邊科, 最驚邊科呢,
讀完書諗住點呢?....嘩, 話題真係多到不得了, 仲有呢d 話係都係雙方面嫁,
即係佢講左鐘意乜, 你就可以講番你自己的睇法...
但正如我上面提到, 能夠做成功的聆聽者, 已經成功了一半,
唔好剩係掛住自己講自己的睇法, 用心去聽對方講乜,
咁你至言之有物咁回應對方, 人地先至會覺得你尊重佢的.

講到言之有物, 平日睇多d 報紙, 接觸多d 社會, 多d 課餘活動,
呢d 都可以是你們的話題, 仲係沒有沒了的話題.

祝你成功啦.

2007-05-19 14:01:10 補充：
sorry, 是沒完沒了的話題..仲有一句, 唔記得講, 講十個鐘電話, 都唔夠約出來三十分鐘,大家眼對眼咁講, 坐底飲杯野咁講, 甚至只是兩個人並肩行, 乜都唔講.所以記得講到最後, 睇下可唔可以約佢出黎呀.

唔知,因為要睇下個女仔咩性恪,如果個女仔係:
斯文-
你可以講:我係XXX呀!幾時得閒?一齊飲杯茶呀!
自我-
你可以講:你有男朋友未?
粗魯-
你呢家人冇識埋D黒社會?唔好同個D人一齊呀,因為好危險.

可以傾下你鍾意d咩呀?電腦有無玩d咩呀?等時間耐左,就可以深入d,叫佢同d同學去下街咁lo!!

1) 問佢讀書/工作開唔開心

2) 問他有甚麼家人，關係如何

3) 將來有乜志向

4) 叫佢努力加油