揸的士每一個月人工有幾多錢?

我有做的士行業有關的生意十多年了。一字講曬。慘！寄以無限同情！！！
揸的士每一個月人工有幾多錢?你的問題充份顯示你未做過。
流行的是2種。(1)車主自己揸 (2)非車主租車揸
非流行的是純打工，但聊勝於無。碩果僅存。
生意額(每更生意計，司機自負盈虧)減去直接成本如油錢(收工交更前入滿油)，每更車租，便是收入。但要有運。
現時直接成本貴，生意不穩定。八折黨的出現，的士站車龍可見慘情！、平均每月收$8,000已是有運行。

的士業前景只可用兩字形容 -- 暗淡...
因為油價貴, 租金貴, 但相反搭的士的人數又不斷下降 (因為通宵巴士, 小巴, 地鐵等等四通八達), 加上七折八折的的士黨, 就更加攪到冇咩長途散客. 的士已經成為只有係五個人時間, 或者超趕時間先會搭既交通工具. 一般全職的士司機, 月入 (扣晒酒費租金), 大約係 7000 蚊左右.
唔係想打沉你... 我本身好鐘意係的士同司機吹水, 傾得埋有時會收平 d 嘛. 一上車通常就問生意好唔好, 10 個著 9 個都話靜到死... 10 年前一個的士司機同我講, 當時我仲係中學生, 佢話第時點折墮都唔好揸的士, 一世返唔到轉頭... 當然佢係比較偏激. 想當年我姑媽都係的士司機 (約 15 年前), 一樣一個月搵 6000 - 7000 蚊, 但當時既 6000 蚊點同現在呢??
如果你想試下, 當然係好的, 你可以先試下做一個月替更, 一星期一日, 做一至兩個月, 自然會知道有冇得做架啦.
希望你早日搵到新工啦

資料來源:



http://hk.knowledge.yahoo.com/question/?qid=7006100300129

　你問揸的士每一個月人工有幾多錢? 好難講，視乎有冇客，天氣及交通狀況等，如果遇上節假日或星期六等，或者會做多幾支大旗，好生意一點都不定。
　小弟都兼職揸過夜更，後來因為家人反對而無再揸。當時是九十年代初，市民對的士的需求大，閒閒地一晚扣除車租之後都會執到一千幾百。但聽一些舊行家講，打從香港回歸後，的士行家的生意開始每況愈下。
　我有時都會幫朋友做日更替工，聽過一些行家「喊咁口」話，試過一晚只做過五支旗，還要是細旗，更令這行家倒霉的是，有個客因為飲醉酒無付車錢，因為同這個人上差館而整晚白做。
　好似今晚英格蘭足總紅藍大戰，不少行家預了「牙痛咁聲」，因為預計九點至十一點這段時間，都不會太多人截車。有些行家與其生意淡薄，不如約同三五成群的行家去睇波好過。

2007-06-02 23:19:33 補充：
真正的士行家真是很慘，捱到五癆七傷都要開工。