應唔應該離婚?

我唔知你先生年齡 / 背境. 但事實上香港而家只係表面風光, 好似人人都賺到錢. 其實好多四十歲以上的人, 確實係唔容易揾到工. 我見過好多位的士司機大佬, 滿口英文, 以前在大公司做經理. 失業後都揾唔到工做, 要去揸的士. 但佢地都有個共通點, 就係: "放得低". 人無百日好, 以前坐賓士, 而家坐巴士, 咪一樣係由A去B! 聽落你先生係一個唔肯腳踏實地, 祈望一朝富貴的人. 做人最緊要唔好成日想一朝富貴. 李嘉誠, 李兆基, 邊個唔係捱出黎架?! 佢走左佬, 其實可以當成一次洗底. 衰到走佬已經係身處谷底啦! 都唔會再跌得去邊. 咁咪趁呢個機會, 冷靜落黎, 諗吓點企番起身先. 慢慢爬番上去囉! 橫豎走咗佬, d債就唔好理住. 做跟車又好, 司機又好, 看更又好. 要有番固定收入, 填飽個肚先再諗啦.
至於你, 我睇得到你巳經心淡. 無論點, 你地感情巳經有裂痕. 你亦已經幫到仁至義盡. 但一齊左咁耐, 如果佢欠落新債係因為生活, 咁你在可以範圍內, 咪幫多一陣, 等佢自巳企得番起身先囉. 到時先再諗兩人的將來. 如果佢d新債係賭債(股票在內)之類, 咁你應該早走早着! 佢跌咁大鋪都重唔識醒架話, 你就要顧住自已啦! 你重有幾多個十年呀?! 哈!! 佢話: "...但同時佢亦會放棄佢自己...". 做乜野都係四個字: "面對/承擔". 佢連死都唔怕, 又怕乜面對呀! 況且, 如果佢做到令你放棄佢, 咁佢放唔放棄佢自己, 都再與你無關啦! 老實講, 一個人死, 好過兩個人攬住死...
自己唔幫自巳, 無人幫到佢.

我覺得佢唔珍惜機會的話就冇謂和他一起。

我就覺得你對他仍有感情，如果無感情的話，使乜咁煩呀，問佢一句：同意離婚定係唔同意離婚？同意就即刻簽名，唔同意就等二年分居，個官到時一樣判你們離婚。
但我覺得你對他仍有愛情，無論點都好，和他定一個約定，給他幾個月時間，同時在這幾個月里我覺得你可以找一些社工或教會朋友幫一下他，告訴他：這是最後的機會。如果有大家幫忙，他仍然不能改好，那你就死了條心啦，外面大把選擇，不要吊死一棵樹上，浪費青春。

我覺你老公份人唔會有几大改變,凡事有你撑住.佢唔會發愤圖強洗心革面.
如果真係离开佢,佢都唔會走去百了/佢知你份人想食住你姐/你放唔低佢咯／咪同佢講
用个時間去解决;例如／半年／一年ノ間你所期望佢有份工作.如果你限定裡里做到咪係大家一起d機會.做唔到咪對呢段感情心死!

人既本性係冇得變架...如果佢真係有心去搵工又點會搵唔到呢!!?再拖落去累到既只會係你自己,,辛苦既都係自己..長痛不如短痛呀...
如果佢真係愛你既..佢就唔應該俾你自己獨自揹起頭家..結左婚佢就有責任去養起頭家..佢連自己都養唔起..>.<"仲要連自己都放棄埋..佢冇得救架啦..
其實你自己都應該有答案啦..

唔.........我覺得你好辛苦呀,真嫁,我今年23,我2年前有個bf又係噤樣,搵工又話搵唔到,搵到又做唔黎,又欠幾間bank既卡數,日日問佢媽媽拎$,不過就唔係我同佢還,而係佢mother,佢mother都好苦,個男仔已經30喇...仲係噤樣,,哩d人好識做戲嫁,我好難先同佢分到手,我知你比我梗無奈,因為你地已經結婚,但我都覺得你唔應該再同哩個男人一起,佢威協緊你,又話會放棄佢自己,我之前bf都講過嫁...但我真係要下定決心,佢知道我們一定心軟,,但哩段時間你要搵d fd出黎陪你傾下,唔好屈埋呀.........
總之..........既然冇負擔.........分開一下未必係件壞事!!!!!!!!堅強一次吧.....無謂令自己痛苦啊...

我對的你慒遇時分同情, 但是你己在以上的文字中下了決心同他分開.只是想得到大家的認同, 我睇完你的文章後, 意見是分開對大家都好, 致於他放唔放棄他自己就由他自己決定罢了. 如果這様下去只有還不淸的債.希望幫到你呢.