２４歲跟４２歲的男子相愛６年．．

你說你愛她多過他愛你,但你又話佢係一個絕世好男人,對你好好,又俾我覺得好似佢好鍾意你咁,其實愛情真係好忌比較邊個愛邊個多d的,首先你要小心呢樣嘢!!

你又話佢太了解你,點解又會令到你到很傷心呢?唔係應該開心架咩??

有時我覺得好多人講一句說話,就係"如果你真係愛一個人,唔需要介意其他人既眼光"我覺得呢樣嘢唔係絕對啱,當然,好多時你愛一個人,你應該去接受去既事,但如果其他人既眼光令到你很困擾,你唔通真的由佢唔理咩?唔好呃自己吧!!除非你真係完全可以做到唔理其他人啦!!

好既男人確實比較難搵,而年紀其實都並唔係一個咩問題(又唔係你大佢19年),但我個人來說,拍拖唔係搵一個好人,而係搵一個啱自己既人,簡單d講就係夾得來!!

當然兩個人完全夾係無可能,但只少唔夾既地方,大家都唔會遷就得太辛苦,而且係埋一齊係開心多過唔開心既,咁就已經好好了,就算另一半唔係什麼絕世好人,你鍾意就可以了。

有齊所有條件就梗係最好啦,但一百對戀人中都未必有一對,你問應該一起定分開??我諗......我哋唔應該俾太多意見吧!!

不過你真的要諗清楚一件事,你同佢分手既真正原因係乜嘢?真係剩係為咗唔令父母唔開心??千其唔好搵一d理由蓋過你真正既諗法和動機呀,會否你自己都覺得他滿足不到你某些方面呢?所以你本身都有d想分開!!

最後我既意見就係,如果你只係為著他人而分手,你將來一定會後悔,不過如果你們之間有些問題好困擾你,而你們"努力"過都解決唔到的話,我覺得你們還是做朋友會適合一些吧!!

你仲好後生,有一個一生一世既人當然最理想,但你都仲有本錢去見識一下的,不過如果你下定決心就真的唔好要人家等你呀,這是為著大家好的....

無論結果點都好啦,我祝你最終都同到一個錫你,你又愛佢既人一齊啦,永遠幸福快樂!!

你愛佢就得，你搵到一個大你咁多年唧男人，你就好La！佢過你，就一定成熟過你，當你發脾氣唧時候佢又會就你，係咪！

點解你将他看成差悟多大的男人呢~~~OR你由他的角度來看呢????

我有個朋友個情況同你差唔多，不過個男人無結婚。
聽完我朋友嘅故事，我開始明白四十幾歲嘅男人諗啲乜。
個男人唔敢愛你太多，怕傷咗自己。
因為佢知道自己年紀大，你咁年輕，
你想搵個年輕同有條件嘅人都仲有機會。
佢都唔敢保證自己會唔會同你一生一世。
所以佢只可以一直對你好。
你爸媽會反對係正常，佢哋想你被人照顧，而唔係你去照顧一個人。
我朋友都好似你咁，成日講大話。
但點會呃到佢哋呢?
其實你連自己嗰關都過唔到，仲點過父母嗰關?
如果你係咁堅持要同佢一齊，咁點解唔夠膽同父母講?
因為你男友都俾唔到信心你，你都俾唔到信心你男友。
咁點光明正大呢?
我朋友初初都唔夠膽同啲朋友講自己有個大廿年嘅男友，
我問佢點解到最後佢講咗出嚟，佢話:
"我同得佢一齊，我哋就要一齊去面對呢樣嘢，其實無乜咁大不了啫，佢只不過年紀大咗啲，但佢心境同我哋差唔多。"
我問佢點樣同父母講，佢話 : "初初唔夠膽，但聽完男朋友講嘅說話，我覺得好內疚，所以一定要講。"

佢男朋友話: " 如果你想同我一齊，你同父母講咗之後，就算結果係點都好，起碼你都有為過我哋嘅愛情努力過，但你依家連試都唔試一下，就打退堂鼓，咁你點對得我住呀? 我一直都無放棄過，點解你咁忍心去放棄呢段感情?"

所以我朋友下定決心講俾佢父母知，佢父母由初初好唔接受，到依家默許咗佢哋一齊，都係用咗好多時間去經營ga。

如果你哋真係想一齊，就要俾啲信心大家。

我會支持你ga!

你好 我是男 我試一 下由我的角度解答你

其實你的問題提及 (我都覺得他太了解我)
但又為何(很多時都很傷心)
我覺得你們一起六年 加上他巳 42歲
不是指你們的年齡差距大
而是他巳十分成熟
會改變的機會很微
其實你巳可以預知你們將來一起的生活


而且(我有好多需要他都給不到我)
我不知你所指　但他滿足不到你
我相信將來他都不能夠
証明你們存在一定的分歧

　
你說（他是一個絕世好男人）
我相信是他的經濟方面和品性
但他亦離過婚　有兒子
年齡與你相距不少
存在著很多不能解決的問題
你父母深知這方面而反對你們都可以理解
個人以言　覺得他的條件不太吸引
而且相信都不會改善
和他一起會面對種種困難
我提議你放棄好一點