(急) 國家語委普通話水平測試要點

我今年考左,成績是三級甲等,76.3分。

在http://www.putonghua.com/讀, 當時我報左一個商業普通話+國家水平測試的課程,大概$5400, 如果你只讀國家水平測試會平一千蚊到。

教我個Ｍiss好好,佢母語是普通話,但係在香港住了十年,所以廣東話都唔錯,佢重俾左個電話號碼我地問問題, 有個轉班生話教佢個個唔識廣東話,純正北京人,有問題都唔知點問,所以報名時最好問下老師識唔識廣東話.

讀普通話水平測試一定要好勤力,如果唔係一定浪費金錢同時間,因為好多好多野要記要練,例如,普通話的第一聲同第四聲聽起來差唔多,但係如果你分唔開,記唔到,你考試時會俾人扣好多分，除了單字及詞語，你又要讀熟60篇400字的文章,同準備30個指定的話題,當考官抽出其中一個話題,你要在他們面前講3分鐘,千祈唔好以為3分鐘好少,有d人對住個計時器,d記性唔好,發音又唔準,結果緊張到面都青埋...

我有個同學佢係大陸做野,本身已經識講普通話,但係佢d發音一樣俾Miss批評得好緊要。

考試重有面測和機測之分,面測對人講,機測對mic講,如果你在考官面前容易緊張,建議機測,我本人是面測,因為想練大膽d,但係我係話題個part真係緊張左少少,如果拿多幾分,就可以有二級乙等。

考試費大概$1000, 如果機測會平$100,我係香港敎育學院考。

我建議你先自修一兩個月,然後才報課程。
-------------------------------------------------------------

試卷包括五部份：
1. 朗讀100個隨機抽出的單字, 3.5分鐘, 共10分
2. 朗讀50個隨機抽出的詞語,2.5 分鐘, 共20分
3. 選擇判斷(詞語判斷,量詞名詞搭配,語序或表逹形式判斷), 3分鐘,共10分
我個人認為只要有小學程度,第3part應該好容易,問題是你是否懂得讀出來。
4. 朗讀短話,3分鐘,共30分
5. 命題說話,3分鐘,共30分

等級標準:
一級甲等: 97-100分
一級乙等: 92-96.99分
二級甲等: 87-91.99分
二級乙等: 80-86.99分
三級甲等: 70-79.99分
三級乙等: 60-69.99分
不進級等: 59.99分以下

有興趣買本<普通話水平測試實施綱要>睇睇要讀幾多野。

2007-05-19 00:45:55 補充：
４應該是朗讀短文，不是朗讀短話，即是400字的短文。

建議你報讀中文大學專業進修學院的暑期培訓班，三個星期密集式上課，上午三小時，下午三小時，合共90小時，為你報考水平測試做好準備
其實最重要是正音，跟孫文冬老師學最好，朗讀教得最好是蔣治中，他們好像教授中大的課程，你一定能提升很多
上中大專業進修學院的網頁看看吧