你覺得拜仁下季會有邊個被清洗?

我覺得今年拜仁前中後都好有問題，先講前鋒，馬卡爾、比沙路、普度斯基和辛達告魯斯的狀態反覆，一場波可以表現好好，又可以隱左形，無一個可以保持到最佳狀態。而中場問題最大了，有攻時就無守，有守時就無攻，搞到中場失去平衡，我認為雲邦美和夏格維斯的表現會直接影響整隊波的攻守，另外今季舒韋恩史特加的表現極差，如果唔係左閘拿姆一直有好表現，成個左路幾乎癱瘓。最後就是後防，兩閘絕對無問題，沙洛和拿姆打得十分好，但中堅盧斯奧係一個好大問題，成日上到去前場射攻門，當正自己係前鋒，令後防中門大開，而且簡尼年時己高。

沙歷咸美斯就肯定去袓雲達斯，夏格維斯都好大機會去曼聯，另外史高爾和簡尼好快就退休，前鋒相信比沙路和辛達告魯斯都有可能離隊，仲有伊朗國腳卡里米相信都會被清洗。

你講嗰幾個後防主力應該都唔會走，簡尼九成九都會喺拜仁退休，下季至多做後備。
沙歷咸美斯已經講明下季會去祖雲達斯，而史高爾就有八成機會退休。
其實拜仁唔係防守差，係攻極都攻唔入，佢哋以前唔係咁，馬卡爾同比沙路拍得好好，但今年無端端簽個普度斯基番嚟，搞到成日都出現失誤。
另外，拜仁今年大膽用幾個新人，奧圖、哥列斯同利爾暫時根本未夠料打正選，如果佢哋打多啲後備，遲幾年先俾佢哋打正選就會好啲。
另外迪斯拿今年季中突然宣布退休，亦都令到拜仁失晒預算，迪斯拿唔喺度，波歷克又走埋，一時間失去兩個主力，成個部署會同上季好唔同，打得差亦都無嘢好講。
你可能唔熟悉簡尼，佢出晒名唔俾面佢啲後衛，所以可能俾到你一個佢哋不和嘅印象。
答番你問題，拜仁下季好大機會會放走辛達告魯斯同卡利美，唔係佢兩個唔好，只係佢哋實在太少機會上陣，而且下季有兩個中場加盟。另外，我覺得伊斯美對拜仁嚟講都係早走早着。
其實我心目中有幾個球員幾適合拜仁，以下列埋俾你。
連拿度(西維爾)－防守中場，但進攻亦都得。
柏拿斯奧(小保加)－前鋒，把握力強，速度高。
韋希臣(羅馬)－正宗翼鋒，速度高腳法好，不過應該要出到好高價錢先買到佢。
耶斯迪(畢爾包)－進攻中場，經常射入出奇不意嘅靚波，不過一個西班牙球員肯過德甲發展先算啦。

2007-05-21 17:20:10 補充：
最新消息：辛達告魯斯同利華古遜嘅巴碧下季都會加盟西甲嘅貝迪斯。

簡尼今年完全踼唔出水準