貓貓惡...養多1隻貓男仔好唔好?!俾點意見ar~唔該^^

首先, 你要清楚你隻貓貓點解會咁惡, 係咪你o係佢細個返來的時候好少抱佢同摸住佢呢?
因為, 有些貓貓o係細個嘅時候, 如果好少比人抱住攬住, 就會比較惡, 咁你就要比多啲心機去令到貓貓覺得你啺佢唔會傷害佢.同時,你隻貓女做咗絕育手術未, 通常未做而又到咗思春期的貓貓都會比較情緒化.
你隻貓貓如果咁惡, 你仲養隻貓仔(男仔)的話, 我相信佢地會成日打架, 而且隻貓女可能會更加惡, 因為貓貓好容易唊醋, 如果你係想養多隻比自己玩, 想新同舊嘅貓貓冇咁惡, 咁你最好養隻貓女, 而且仲要由細細隻就抱到佢大, 比多啲時間攬住佢, 咁佢大個就唔會惡而會嗲D,而如果你只係想而家養緊個隻冇咁惡嘅話, 我見儀你最好唔好養多隻, 反而比多些時間改善貓貓對你嘅介心,如果你養多隻可能會令到而家個隻更惡.
而會到處尿尿的多數是貓仔, 貓女就好少會咁.

**我以前都試過有隻街貓(成貓女)自己走入我屋企到(可能因為我屋企有養貓), 咁我見佢咁慘就成日餵佢, 但次次都比佢咬到流晒血, 但餵咗佢三四個月之後, 佢就日日停留係我屋企好耐, 佢又開始嗲我, 但我每次摸佢都會咬我, 仲試過咬到個虎口位要聯針同打破傷風針, 但後來我用時間同愛心來換取佢對我嘅信任, 一年後佢就好嗲我又比我同佢沖涼仲同我一齊訓, 而每次我坐係到睇電視佢都會坐係我大腿到!**
所以, 只要你有恆心同愛心, 比到貓貓覺得你屋企有安全感,貓貓就一定會知你對佢好, 而佢亦會對你好!!! 比心機呀!

我屋企都有2隻貓,,有1隻係後期搬黎既,,
佢本身同妳隻貓既情形差唔多,,
佢以前係任何時侯都攻擊人既..
我諗咁就要睇下你買番黎0個隻係咩性格囉..
因為我本身0個隻係好乖好純,,佢地慢慢都相處到,,
而家惡0個隻都唔再發惡喇,,好乖好痴人。
貓就好少會周圍小便既,,不過岩岩有新貓黎0個陣,,可能佢會同佢示威呀..
例如佢見到新貓訓自己個位,,佢咪會走埋去嚇下佢咁..
總之呢..我0個陣就成日陪住佢呀,,佢整損我都攬住佢唔鬧佢..
佢慢慢D性格就唔會咁倔強..希望幫到你啦。=]