想問上海套票

上海套票好多間旅行社都差唔多錢，佢地份價單都差唔多格式。
例如專業、星晨、康泰、永安、中旅等等都差唔多。當中出發日期、日數及價錢可能有少少差別，你可去有多間旅行社集中的商場行下，攞晒咁多間的資料，再按自己的需要比較一下。

航空公司方面主要係東航或港龍，如要3天的主要係港龍/國泰，東航多數4-7天的，同埋酒店較多選擇。
一般東航比港龍平3至400。

一般星期五六日的三天套票好平，可能公幹的客呢幾日離開，自遊行的剛好可補返個位。

有時港龍有做超特價的五六日套票，但通常好接近入住期先做，同埋酒店以商業區為主。

我舊年11月去過，當時幫專業買套票，都ok，算平。同埋我出發的日期，得佢有 3 日的東航套票同埋心水酒店。當時星晨有個4天的仲平過我的3天少少，但我無時間玩4日。

我當時住金門大酒店，近人民廣場，市中心，地鐵兩線交匯，文通好方便。酒店入面就一般啦，三星級，乾淨企理的。要求唔高都可以。你可以考慮 人民廣場一帶的酒店。

上海套票應該在中國旅行社購買較為安全及平宜。

目前上海有些連鎖酒店很平宜及乾淨，例如：如家和莫泰163，這兩間酒店都可以在上網和打電話訂房的。