澳門一日遊

想去澳門....搭新渡船就每半小時一班...尾班船就11:30, 而JURBOJET就每15MINS一班,而且24小時都有船...隨你喜歡...

如我是你,去澳門一天遊我會這樣:
9點上船...當10點落船,之后先去漁人碼頭(我覺得實係愚人碼頭,無乜野睇~但未去過當參觀一下無況...)之后去金沙玩樂,然后附近的星際和利澳,之后去新葡京后的瑪嘉烈食葡達,然后就行去新馬路,最后行上大三巴,炮台,行完兜落水X尾街,食坤記既葡國菜,然后就去埋禮記食自製雪榚,之后就搭車去觀光塔,睇到6點幾就搭車(巴士就要轉車,而搭TAXI大約30-50)去"乙水"仔LA~之后去手信街買手信,之后去埋滔滔都去鋪頭食魚翅撈飯...食完搭返車出黎市中心,去埋新葡京玩,玩完3/3A出返碼頭搭船返HK~

其實澳門唔係好大,基本上行都行到去...除非有D真係太遠唔識跟先好BY TAXI...而且你多人,搭TAXI好過搭BUS,因為佢D巴士好多都左兜右兜,有時兜大半個本島先到目的地...而且搭BUS下下都要睇清楚地點先上車,好煩,寧BY TAXI算...
如真的要搭巴士,最好帶定D神沙去...因為個邊連HKD都收...10蚊銀除外~

我上星期都去過澳門，我地九點半上船，先去左葡京(新果間喎，因為舊果間都去過啦)，跟住就行過對面去永利(裏面幾有拉斯維加斯 feel架，因為比較外國式)，之後行去隔離間星際，但星際就太細啦，無乜野睇，而且我地主要目的只係想觀光下，而唔係想賭錢，接下來就醫下個肚先，咁當然就梗係食地道葡式野啦，咁記得上星期睇亞洲電視見到個介紹澳門地道葡菜既節目，咪去試下羅，果然又幾好食，而且價錢就一的都唔貴喎，我地五個人，都只係食左四百元左右澳門元之麻，呢間舖係星際酒店附近，名字應該係「加米路葡式美食」，對面係食魚翅既，應該行去都唔係好遠，但我唔記得方向，你可以係星際國店門口坐的士去，我唸十多元就可以去到。相比之下，早幾個月我同朋友都食過果間坤記，嘩！果間野簡直係唔駛去第二次，食物一般不突止，服務態度其差！係我講果度食完午飯，再去參觀下新馬路，我唸你地最好坐的士，因為有四個人，坐的士去新馬路都只係二十多元，好過同當地人爭巴士，跟住去到新馬路區可以自己選擇去大三巴同埋附近睇下舊古董，原來佢地的舊古董一的都唔貴架，而且睇之麻，又唔駛錢既，講真，幾特別架。睇完之後可以買手信。到時應該係下午五、六點左右，咁你就可以再去金沙(可以將手信存放在金沙櫃檯後再入去睇)，之後去對面漁人碼頭睇下，你可以選擇係入面食下野或返去金沙羅返的手信再去其他地方食，如要食晚餐，可以試下附近既九記，咪以為係大排檔呀，係中餐廳黎架，味道都幾好，如果搵唔到，問下路人都知，因為佢係漁人碼頭對面之麻，食飽之後可選擇去皇朝區酒吧街行下或早的坐船返黎。

首先去氹仔食吓野(地堡街)有好多食市, 跟住行去(大利來)出名豬排包
不過豬排包要三點先出爐, 可試其他野食, 如有興趣可行去澳門博物館
環境唔錯, 跟住去(官也街)食木糠布甸, 但唔好買手信住, 因為大三巴有鉅記
之後搭的士去旅遊塔, 因為冇巴士直接去既, 行完(旅遊塔)搭巴士出市中心去(新葡京賭場)
再去(議事亭)行吓食吓野, 跟住行去(大三巴), 走既時候可買手信, 之後搭車去(金沙賭場)
可寄存係賭場賭吓錢, 跟住行去(漁人碼頭), 最後行番去賭場攞手信搭免費巴士去碼頭.
船係通宵的.