破產問題需知

我唔贊成你申請破產, 為了15萬唔值得, 因破產的後遺症唔只四年,你可能十年內申請唔到credir card, 唔可以做好多工, 如保險, 投資公司, 地產, 及一些專業.
另外申請破產要成本, 你的情況根本唔值得

8000收入還6500 係好辛苦, 你應找銀行(你欠最多個間)傾下, 做財政安排, 分幾年還, 或者搵d專業人士幫你, 好多律師在報紙都有廣告

破產唔係問題, 如果真的無力償還, 破產都係一個辦法, 但當然要考慮清楚啦! 因為破產確實如上位人兄所講, 有一定的代價. 破產, 你的誠信同時破產, 要受氣, 要受壓力係必然的事. 但總好過提心吊膽怕被財務追債, 亦好過再無底深潭的繼續借貸度日. 四年後又再重新造做人. 我同我丈夫合共都係欠了10萬元(如果唔計層樓, 純計用信用卡借錢)就兩人都要申請破產了, 當然, 因為當年仲有層居屋無力供款先要做埋破產, 所欠的卡數並非拿去吃喝玩樂, 而係為了供樓, 為了生活, 為了養孩子而欠的, 到最後都要面對現實, 申請破產. 當然, 今日已成過去, 可以重見光明了!

朋友, 除非你係為了不負責任, 借完諗住破產了事, 否則, 破產都是一個可行的辦法.

你欠的是少數目(會不會漏了0字?)，何必破產。如真的是欠一萬五，那你破產來做乜？單向高等法院交款己要$12000元，還有律師費可能需數千元(我以前是9000元)，你有否這筆錢去辦破產？
你主動申請破產一定批，法院那理你欠多少。不過告訴你一事，破產不是一了百了解決債務，日後的痛苦很多呢。你從此沒有信用，不能信貸，不能供樓，供車，甚至分期買電器也不可以。你欠過款的銀行不再讓你開任何戶口。老闆、同事禆視你，離開香港都要申報，還受破產官的氣，在朋友、家人面前完全沒有自尊，那段日子真是淚向心裏流。
你不如去借多些，欠過一百幾十萬再去破產不遲。