有關電腦配備及遊戲要求的疑問

CPU: 建議你用4800+
5000+ 比4800+ 只高出0.1GHz, 但就貴差唔多三百蚊
呢三百蚊如果用係其他地方就更好啦

主機板冇咩大問題

硬碟機緊記買Seagate, 因佢支援垂直讀寫, 效能會有所提升. 而且5 年保養, 正!!
建議用cpu 慳返黎既錢加落硬碟預算上
買呢隻Seagate 320.0GB ST3320620AS SATA II/16MB HDD HK$ 735.00
留意佢係16MB cache, 打機黎講, 比一般8MB 更好

RAM 既牌子冇問題, KINGSTON 不錯. 但留意, 如果你想要2GB RAM, 最好買兩條1GB 行DUAL CHANNEL, 個頻寬會比一條RAM 倍增. 總體效能會上升5%!! 基本上總容量2GB 冇問題, VISTA夠用

顯示卡幾好

火牛如果係跟機箱送, 最好換左佢. 火牛地位不容忽視, 如果火牛因為質素差而發生問題時, 可以搵哂你成部機陪葬. 我個人鍾意用Seventeam (七盟) 或 Delta. 以你部機黎講, 420W 以上就冇問題嫁啦. 通常用料足既牛都幾重手.
火牛宜買牌子: ACBEL, SEVENTEAM, DELTA, SPI...
忌買: GTR, 勁量牛, 跟機箱牛, 雜牌牛, 不知名牛, 輕身牛

LCD 好難話買邊隻好, 永遠都係自己用肉眼睇最準. 忌盲目聽SALES 話只靠規格表選購, 因為兩者都唔可靠. 19" 冇問題, 唔駛買咁大, 同顯示卡冇關係. 最緊要睇下有冇死點光點

你部機顯示及效能方面都很好, 散熱就要靠你機箱內部情形而定
機箱除左外觀, 仲要留意通風能力, 最後就係前後各有12cm 風扇, 前抽入後送出; 左面一個8cm 風扇, 幫助CPU 散熱; 即係機箱有三把. 所以揀機箱要留意一下.
至於樓上所講原裝CPU 散熱器廢, 我認為對新身黎講用原裝就冇問題, 因為現時原裝風扇已經比以前改良不少, 而且新手唔識買散熱器俾人呃仲得不償失. 如果你可以揀到好機箱, 又能夠將入面D 線紮成一束, 再間中打開機箱清下入面既塵, 咁基本上都唔會有散熱問題.
原裝散熱器絕對可用

OS 方面, 建議用VISTA, 始終VISTA 界面, 功能及各種支援都領先XP 幾年, 加上VISTA 支援DX10, 而且你部機絕對行到VISTA, 所以盡量用VISTA啦

最後, 想話你知, 你部電腦絕對符合個遊戲既需求, 玩得開心D LA

裝VISTA比較好...因為8600GT在VISTA的環境下可以行DX10...
在XP環境下最多是行DX9....我也是在用8600GT..在行VISTA

用得8600GT隻火牛350W一定要足火數, 否則買420-450W會穩陣得多, 費事爭小小搞個大頭佛出黎喇!!!

2007-05-18 04:02:31 補充：
因為打機好多時機箱都會加幾把大風扇散熱, 所以隻牛預大d包冇衰...

此配備已算不錯了.....
基本上市面上大部份的game 都可以順暢地執行了~
如果資金方面許可的話換張8800系列的顯示卡就更能如虎添翼了...
如果想散熱方面較好的話, 可以考慮由以下著手..

買一個散熱設計比較好的機箱(很重要的), 例如全鋁機箱..箱上是否有前後風扇等..
另, CPU風扇最好也要另外購買, 因為原廠的風扇一般散熱比較差, 可以考慮買一些全銅或有導熱管的..