蜘蛛俠同毒魔係咩關係?

毒魔(Venom)
原名Eddie Brock(艾迪保祿)，同蜘蛛俠即Peter Pracker(彼得柏加)都係號角日報o既攝影師。
艾迪同彼迪都希望可以o係號角日報搵到一份正職，號角日報o既總編輯就提出如果二人邊個可以影到蜘蛛俠犯罪o既照片就可以得到一份正職o既職位，艾迪同彼迪從此成為競爭對手。
艾迪為左爭贏彼迪，就利用電腦技術偽做蜘蛛俠犯罪o既新聞照，可惜被彼得揭發。艾迪就因失去職位而痛恨彼得。艾迪o係一次機緣巧合之下去到教堂，見到身穿黑色衫o既蜘蛛俠，並知道蜘蛛俠真正o既身份~~~~同時彼得亦正在企圖擺脫黑色外星寄生物(構成黑色蜘蛛俠衫o既奇怪物質)，彼得成功擺脫後，黑色外星寄生物就轉為寄生o係艾迪身上，令艾迪成為擁有蜘蛛俠同樣能力o既毒魔(Venom)。