who is C朗?

我知我知!我都好鍾意C朗,又熱愛足球,
我已八盡香港,大陸,台灣,葡萄牙,西班牙,阿根廷,德國,意大利...所有足球網站
既然你想知道C朗既趣事,咁就講多d啦! (全部係我自己親手打,唔係抄架!打到手軟!~@@)

=童年=
-C朗拿度1985年2月5日出生, 全名係Cristiano Ronaldo dos Santos Aveiro,拉丁文化中,d人既名係好長架! 係由first name+middle name+父親姓氏+母親姓氏組成,所以Cristiano係名,Ronaldo係中字,dos意思係英文既"of",個名意思就係Santos Aveiro家族的Cristiano Ronaldo.Cristiano既意思係Christian(基督徒)
-C朗係出身葡萄牙位於大西洋既一個叫Madeira小島既首府Funchal,呢個島離葡萄牙本土都幾遠,真係可能近非洲仲近過歐洲!
-C朗可以話係赤貧既鄉下仔一名,屋企係農民家庭,算得上係家徒四壁,佢自己話屋企銅皮屋頂又爛,牆壁又凹凸不平.(報導話佢童年既爛屋市值低於5000英磅喎!)平日佢鍾意響屋企前面既爛地玩,2-3歲就開始踢波,佢屋企有父母,仲有家姐,弟弟,佢好重視同家人既關係架!
-C朗既乳名係Kluivert
-C朗小學時,老師留意到佢真係超鍾意足球,一有時間就係咁踢波
-因為C朗踢波真係好有天份,響鄉下踢到出晒名,所以佢爸爸Dinis Aveiro就帶佢一齊去踢波(佢爸爸自己組左一隊波Andorinha)
-Madeira有兩個球會,Maritimo係比較勁既,但因為Maritimo唔出錢買裝備,10歲時C朗就入左國民隊(CD Nacional)

=少年=
-到後來C朗個名太響啦!佢出色既盤扭技術得到葡萄牙足球界注視,於是C朗14歲就去左葡萄牙本土既sporting(士砵亭)青年軍
-不過離鄉別井令C朗非常掛住屋企!球會惟有叫C朗媽媽(Maria Dolores)去里斯本照顧囝囝啦!隊友仲笑C朗係裙腳仔添!
-響士砵亭當青年軍,有專人監督C朗,仲有人照顧佢做功課架!
-出身寒微,滿口鄉音既C朗,響里斯本讀書時成為同學取笑既對象,初時C朗都息事寧人忍下,但有一次老師故意揶揄,佢成張椅飛埋去,動武要笑佢既人收口
-不過,C朗姐姐話C朗離鄉一段時間,鄉音已經改左,但返到Medeira島,又會講返鄉下音
-16歲時,利物浦經理已經注意到C朗,但當時認為C朗太細,未適合出國發展而錯過收購

=曼聯時期=
-2003年,一場士砵亭對曼聯比賽上,C朗憑著個人技術,得到曼聯全體球員注視,響回程飛機上不斷游說費格遜簽C朗為隊友,結果費sir以1,224萬英鎊買入C朗,成為曼聯新 “7號萬人迷”
-初到曼聯既C朗並唔慣當天氣候,感到萬事起頭難.甚至語言亦不通.而英國傳媒對曼聯首位葡國球員感到相當好奇,首次會見傳媒既C朗因為唔識講英文而企左響度
-響曼聯嶄露頭角既C朗,隊友響背後都指佢獨食既問題非常嚴重,包括朗尼, (雲尼斯達來)雲佬,傑斯都頗有微言
-2005年9月7日,C朗爸爸Dinis Aveiro病逝,C朗得噩耗時正為葡萄牙打世界杯對俄羅斯既外圍賽
-費Sir事後冇比C朗出席打吡賽(對曼城),但3日後C朗認為可以上陣歐洲杯對維拉, 因為C朗謹記父親既教誨, 叫佢比心機比賽,盡力打好每一場波
-2005年10月,C朗被起訴涉及強姦案, C朗承認響雙方同意下發生肉體關係. 但後來警方偵破係色情陷阱,
-2005年12月,C朗因為同隊中荷蘭籍球員雲佬起衝突,被費sir罰佢返葡萄牙靜思己過2星期
-其後雲佬因為助教偏愛C朗,得唔到上陣機會, 對此其它隊友亦有同感. 不過雲佬笑C朗係葡國燦, 又諷刺C朗同助教似兩仔爺, 激到C朗爆炸!因為不久前老豆過身! 但雲佬冇收口, 結果幾乎大打出手
-事後C朗接受葡萄牙專訪,問到同雲佬關係惡劣, 佢只係話踢波大家都會有意見不合
-C朗同費sir打賭一季入15球, 但C朗只入左12球.佢冇講賭幾多錢,只係話呢個係佢負擔得起既數目
-2006/7年度英超球季,C朗再次同費sir開賭,開季至今表現出色, 目前佢已經射入16球,成為曼聯陣中神射手,贏得費sir600磅
-有傳C朗下季會轉投西甲球會,對此曼聯大為緊張,下封口令唔比C朗發表有關言論

=2006世界杯=
-第一場迎戰安哥拉,下半場被換走,C朗話領隊係老糊塗, 被指不尊重長輩
-第二場分組賽對伊朗,C朗射入世界杯首個入球,振臂歡呼獻比已在天國既爸爸
-十六強對荷蘭, 幾次被對手侵犯, 迫不得已被換出, C朗對賽果未明朗, 即時喊到收唔到聲
-八強對英格蘭, C朗賽前被英國傳媒影到佢好唔友善用頭撞朗尼, 朗尼犯規後, 第一時間衝去告狀, 事後朗尼出場, 仲向後備席單眼, 意謂自己奸計得逞
-四強對法國, C朗每次掂波都被原本以為入到四強既英國球迷, 甚至法國球迷喝倒彩
-季軍戰對德國,同樣一掂波就被人噓都七彩!
-今屆新增既 “最佳年輕球員獎”,C朗響榜上一直領先對手, 但英格蘭因為球隊出局而針對C朗,故意投票比第二名既厄瓜多爾Luis Valencia. 而FIFA最終因為C朗今屆賽事太多插水, 亦無靚入波支持, 結果將新人獎頒比德國既普多斯基Poldoski
-世界杯後, 葡萄牙對英格蘭一役, 因為懷疑C朗對球證示意比朗尼紅牌,而成為英格蘭公敵, 結果C朗位於曼徹斯特既寓所被球迷擲石頭洩忿
-事件響英格蘭越鬧越大, C朗唔願再返曼聯, 希望投奔西甲班霸皇家馬德里, 但係費sir堅稱唔出售C朗, 朗尼亦向傳媒公開唔會嬲C朗, 仲係好朋友.C朗同媽咪商量後, 回心轉意留響曼聯.


=有趣事/生活軼事=
-C朗係天主教徒
-葡萄牙國家隊青年軍在2003年11作客對法國2:1勝出,因之前主場負法國1:2,要以12碼分勝負,結果葡贏得2004年21歲以下歐洲盃出線資格!C朗同隊友因為勝利而興奮到響更衣室將教練拋上空中,整爛屋頂.法國隊主場輸波,對此非常不滿,結果葡萄牙足總要對更衣室遭損壞而賠償
-C朗曾經同巴西球星Mario Jardel既model妹妹Jordana拍拖,兩人非常低調,仲分隔兩地.對於英國傳媒經常將碧咸夫婦同C朗比較,佢仲串維多利亞瘦,唔識唱歌
-C朗曾經因為入球剝衫慶祝而食左黃牌哩!
-2004年雅典奧運,中國隊抵達機場時受到大部份傳媒注意,與葡萄牙隊擦身而過,當時C朗也在隊中哩!
-C朗曾係鈴木(Suzuki)汽車既代言人,不過佢開既車係Porsche
-C朗係鄉下,人人讚佢乖仔,佢會拖住阿媽去街,每星期都送小禮物比媽咪
-2005年7月23號,曼聯黎香港進行表演賽,隊中大部份球星都黎左香港,C朗因為家事冇黎!
-C朗從來冇諗過會好快結婚, 話十年內左右喎!
-C朗成名後曾經被揭同過幾個女仔拍拖, 包括模特兒Lauren Frain, Jordana,同埋曼聯隊友艾倫史密夫既前度女友,上年聖誕就有英國肥皂劇演員Gemma Atkinson同佢傳緋聞。
-2004年歐洲國家杯後, 荷蘭同性戀雜誌選C朗為最性感球員
-踢歐洲國家杯時, 有一晚C朗同弟弟去舞廳諗住黑黑地跳舞輕鬆下,但太多人認得佢, 爭住投懷送抱, C朗好無癮雞咁腳走!
-C朗以前係爆牙既, 之後過左曼聯時箍過牙
-PSP既 “FIFA street 2”既封面, 咪係C朗囉!!~
-C朗代言既產品仲有Nike,英國時裝Pepe Jeans, 印尼活力飲品Extra Joss
-曾有女球迷要求C朗簽名響胸部,但C朗拒絕,只係簽返落張紙度
-對於成名帶來既煩惱, C朗只係用平常心面對, 保持好形象
-好多人讚C朗靚仔,但佢只覺得自己一般,唔醜,又唔算靚, 可愛果隻囉!
-如果唔踢波,C朗最想做演員或者Dancer
-最唔能夠原諒既事,就係被出賣
-足球界中最好朋友係Jorge Mendes
-平日晏晝練完波,鍾意溫習
-想去澳洲同埋美國邁阿密觀光
-覺得自己最大既缺點係固執
-睇過最多次既電影:3次 “Man on fire”
-南亞海嘯後,C朗曾到印尼做慈善籌款, 見過印尼同東帝汶既總統, 亦將自己既運動裝備拎出黎拍賣
-除此之外,2005年6月,C朗亦出錢請海嘯中一個11歲既生還者同佢既爸爸去睇世界杯外圍賽哩!

=個人喜好=
夢想號座駕:法拉利F1
衣服飾物:皮帶
香水品牌:D&G, Pi Givenchy, Armani
電視: MTV台
演員:占基利, 安祖蓮娜
睇過最多次既電影:3次 “Man on fire”
音樂: R&B, Rap, 任何類型都鍾意
顏色:白
數字:7, 17
城市:巴西里約熱內盧
電影: “The Sixth Sense”, “The Rock”
女性:單純而又聰明

請不要再錯下去了，快醒悟吧！你的無知會影響成千上萬的正義用戶。

請不要再錯下去了，快醒悟吧！你的無知會影響成千上萬的正義用戶。

請不要再錯下去了，快醒悟吧！你的無知會影響成千上萬的正義用戶。

[email protected]

請不要再錯下去了，快醒悟吧！你的無知會影響成千上萬的正義用戶。

請不要再錯下去了，快醒悟吧！你的無知會影響成千上萬的正義用戶。

請不要再錯下去了，快醒悟吧！你的無知會影響成千上萬的正義用戶。

一睇個發問者同回答者的profile就知係自問自答啦~

基斯坦奴·朗拿度
全名：Cristiano Ronaldo dos Santos Aveiro，簡稱：Cristiano Ronaldo，1985年2月5日出生於馬德拉島）是一名葡萄牙足球員!

球會︰ 曼聯 (Manchester United)
球衣號碼︰ 7
位置︰ 中場

Cristiano Ronaldo

C朗拿度!!!

現役曼聯七號!